ന്യൂഡൽഹി: കോക്രോച്ച് ജനതാ പാർട്ടി (CJP) നേതാവ് അഭിജീത്ത് ദീപ്കെയുടെ സോഷ്യൽ മീഡിയ വീഡിയോ കേന്ദ്ര സർക്കാർ ഇടപെടലിനെ തുടർന്ന് എക്സ് (ട്വിറ്റർ) പ്ലാറ്റ്ഫോമിൽ നിന്ന് നീക്കം ചെയ്തു (Cockroach janata party). ഡൽഹി ജന്തർമന്തറിൽ പ്രതിഷേധ ടെന്റ് സ്ഥാപിക്കാൻ അനുമതി നൽകണമെന്ന് പോലീസിനോട് അദ്ദേഹം കൈകൂപ്പി അപേക്ഷിക്കുന്ന ദൃശ്യങ്ങളാണ് ഒടുവിൽ നീക്കം ചെയ്യപ്പെട്ടത്.
സമരസ്ഥലത്ത് ടെന്റ് സ്ഥാപിക്കണമെന്ന സിജെപിയുടെ ആവശ്യം സുരക്ഷാ കാരണങ്ങളാൽ ഡൽഹി പോലീസ് നിഷേധിച്ചിരുന്നു. ഇതിനെത്തുടർന്ന്, ജന്തർമന്തറിൽ ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥരുടെ കാലുപിടിച്ച് അനുമതിക്കായി ദീപ്കെ അപേക്ഷിക്കുന്ന വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിച്ചിരുന്നു. ഇതിന് പിന്നാലെയാണ് കേന്ദ്ര ഐടി മന്ത്രാലയത്തിന്റെ നിർദേശപ്രകാരം പ്ലാറ്റ്ഫോമിൽ നിന്ന് ഈ ദൃശ്യങ്ങൾ അപ്രത്യക്ഷമായത്. പ്രാദേശികമായ നിയമപരമായ നിയന്ത്രണങ്ങളും നിർദേശങ്ങളും മുൻനിർത്തിയാണ് വീഡിയോ ഇന്ത്യയിൽ ബ്ലോക്ക് ചെയ്തതെന്നാണ് സംഭവത്തിൽ എക്സ് അധികൃതരുടെ ഔദ്യോഗിക വിശദീകരണം.
വിദ്യാഭ്യാസ മന്ത്രി ധർമേന്ദ്ര പ്രധാൻ അടിയന്തരമായി രാജിവെക്കണമെന്ന് ആവശ്യപ്പെട്ട് കേന്ദ്ര സർക്കാരിനെതിരെ സിജെപി നടത്തുന്ന പ്രതിഷേധാത്മക സമരം വെള്ളിയാഴ്ചയോടെ 21 ദിവസങ്ങൾ പിന്നിട്ടു. ഇതോടൊപ്പം ലഡാക്കിന്റെ പ്രത്യേക പദവിക്കായി സാമൂഹിക പ്രവർത്തകൻ സോനം വാങ്ചുക് നടത്തുന്ന നിരാഹാര സമരം 13-ാം ദിവസത്തിലേക്ക് കടന്ന പശ്ചാത്തലത്തിൽ, ജന്തർമന്തറിലെ പ്രതിഷേധങ്ങളെല്ലാം അതീവ സുരക്ഷാ നിരീക്ഷണത്തിലാണ്.
Story Summary: The central government has removed a video of Cockroach Janata Party leader Abhijeet Deepke from X (formerly Twitter), where he was seen begging police for permission to pitch a tent at Jantar Mantar. X explained that the video was taken down due to local legal restrictions amidst ongoing protests in New Delhi.
