ബെയ്ജിങ്: തെക്കൻ ചൈനയിലെ ഗ്വാങ്സി ഷുവാങ് സ്വയംഭരണ മേഖലയിലുണ്ടായ കനത്ത വെള്ളപ്പൊക്കത്തിനിടെ ഏകദേശം 900 പാമ്പുകൾ വാണിജ്യാടിസ്ഥാനത്തിൽ പ്രവർത്തിച്ചിരുന്ന പാമ്പ് ഫാമിൽ നിന്ന് രക്ഷപ്പെട്ടത് പ്രദേശത്ത് വൻ ആശങ്കയ്ക്ക് ഇടയാക്കി (China flood snake escape). വിഷമുള്ള മൂർഖൻ പാമ്പുകൾ ഉൾപ്പെടെ നിരവധി ഇനങ്ങളാണ് പ്രളയജലത്തിൽ ഒഴുകിപ്പോയതെന്ന് പ്രാദേശിക ഭരണകൂടം അറിയിച്ചു. ട്രോപ്പിക്കൽ സ്റ്റോം ‘മെയ്സാക്ക്’ സൃഷ്ടിച്ച കനത്ത മഴയെ തുടർന്നാണ് ഹെങ്ഷൗ മേഖലയിലെ ലിയുവാൻ ജലാശയത്തിന്റെ കരകവിഞ്ഞൊഴുക്ക് സമീപഗ്രാമങ്ങളെ വെള്ളത്തിനടിയിലാക്കിയത്. ഇതോടെയാണ് പാമ്പ് വളർത്തൽ കേന്ദ്രം തകർന്നു നൂറുകണക്കിന് പാമ്പുകൾ പുറത്തേക്ക് രക്ഷപ്പെട്ടത്.
🚨 BREAKING: Nearly 900 snakes, including venomous cobras, escaped after typhoon flooding destroyed a breeding farm in southern China. Search teams are racing to capture them. 🐍 pic.twitter.com/St6d0rjvZv
— Rosie Bella (@chronicalguy) July 9, 2026
മൂർഖൻ പാമ്പുകൾക്ക് പുറമെ കിംഗ് റാറ്റ് സ്നേക്ക്, ക്രൈറ്റ്, ഗ്രീൻ പിറ്റ് വൈപ്പർ, വാട്ടർ സ്നേക്ക് തുടങ്ങിയ നിരവധി ഇനങ്ങളും രക്ഷപ്പെട്ടതായി അധികൃതർ വ്യക്തമാക്കി. രക്ഷപ്പെട്ടവയിൽ ഭൂരിഭാഗവും വിഷമില്ലാത്തവയാണെങ്കിലും വിഷപ്പാമ്പുകളുടെ സാന്നിധ്യം ജനങ്ങളിൽ വലിയ ഭീതി സൃഷ്ടിച്ചിട്ടുണ്ട്. പാമ്പുകളെ പിടികൂടാൻ 10 അംഗ പ്രത്യേക രക്ഷാപ്രവർത്തക സംഘത്തെ വിന്യസിച്ചിട്ടുണ്ട്. ആശുപത്രികളിൽ ആന്റി-വെനം (വിഷവിരുദ്ധ മരുന്ന്) ശേഖരം വർധിപ്പിക്കുകയും പാമ്പുകടിയേറ്റാൽ ഉടൻ ചികിത്സ ലഭ്യമാക്കാൻ പ്രത്യേക മെഡിക്കൽ സംഘങ്ങളെയും സജ്ജമാക്കിയിട്ടുണ്ട്.
After the collaps of the Liulan Reservoir (六蓝水库) dam in China, a farm dedicated for raising venomous snakes was washed out by the flood. Now poisonous snakes are everywhere. An alligator farm was also washed out pic.twitter.com/2JYrrXbg0S
— Bin Xie (@bxieus) July 8, 2026
പ്രളയജലത്തിലൂടെ നീന്തുന്ന പാമ്പുകളുടെയും വെള്ളത്തിൽ മുങ്ങിയ റോഡുകളിലൂടെ ഇഴഞ്ഞുനീങ്ങുന്ന ദൃശ്യങ്ങളുടെയും നിരവധി വീഡിയോകൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. ചില ഗ്രാമവാസികൾ വടികളും മറ്റ് ഉപകരണങ്ങളും ഉപയോഗിച്ച് പാമ്പുകളെ പിടികൂടാൻ ശ്രമിക്കുന്നതും ദൃശ്യങ്ങളിലുണ്ട്.
അധികൃതർ ജനങ്ങൾക്ക് പ്രത്യേക മുന്നറിയിപ്പും നൽകിയിട്ടുണ്ട്. പാമ്പുകളെ പിടികൂടാനോ സമീപിക്കാനോ ശ്രമിക്കരുതെന്നും കണ്ടാൽ ഉടൻ രക്ഷാപ്രവർത്തകരെ വിവരം അറിയിക്കണമെന്നുമാണ് നിർദേശം. ഹെങ്ഷൗവിൽ ഒരു ഗ്രാമവാസിക്ക് പാമ്പുകടിയേറ്റതായി സ്ഥിരീകരിച്ചിട്ടുണ്ട്. മൂർഖൻ പാമ്പിന്റെ കടിയേറ്റ് ഒരാൾ മരിച്ചെന്ന റിപ്പോർട്ടുകളും പുറത്തുവന്നിട്ടുണ്ടെങ്കിലും ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.
🚨 Breaking News
Severe flooding in Hengzhou, Guangxi, China destroyed a snake breeding farm, releasing 800–900 snakes, including venomous cobras, into nearby villages.Rescue teams are racing to capture the escaped snakes as authorities urge residents to stay away from… pic.twitter.com/2uoEd1uAHR
— Rosie Bella (@chronicalguy) July 10, 2026
വെള്ളപ്പൊക്കത്തെ തുടർന്ന് 700-ലധികം ഗ്രാമവാസികളെ അടിയന്തരമായി ഒഴിപ്പിച്ചു. ഗ്വാങ്സി മേഖലയിലാകെ ഏകദേശം 1.3 ലക്ഷം പേരെ സുരക്ഷിത കേന്ദ്രങ്ങളിലേക്ക് മാറ്റിയതായും റിപ്പോർട്ടുകളുണ്ട്. ഏറ്റവും പുതിയ കണക്കുകൾ പ്രകാരം വെള്ളപ്പൊക്കത്തിൽ കുറഞ്ഞത് 39 പേർ മരിക്കുകയും നിരവധി പേരെ കാണാതാകുകയും ചെയ്തിട്ടുണ്ട്. ഇതിനിടെ ഗുയിഗാങ് മൃഗശാലയ്ക്കും വെള്ളപ്പൊക്കത്തിൽ നാശനഷ്ടമുണ്ടായി. സീബ്ര, അൽപാക്ക, ഒട്ടകപ്പക്ഷി, എമു, റാക്കൂൺ, മുള്ളൻപന്നി എന്നിവ ഉൾപ്പെടെ നൂറിലധികം മൃഗങ്ങൾ കൂടുകളിൽ നിന്ന് രക്ഷപ്പെട്ടതായും ചിലത് കാണാതായതായും അധികൃതർ അറിയിച്ചു.
冷知识：广西是中国的养蛇之乡，一省蛇养殖量达百万条以上，大部分是用来制作血清的百步蛇、眼镜蛇等剧毒蛇种。
然后这次广西淹大水淹没了养蛇场，很多蛇自由了~ pic.twitter.com/BDBG5egpvA
— 芙宁娜娜💙Furinana (王者归来版） (@satireorcry1) July 7, 2026
രാജ്യത്തിന്റെ വിവിധ ഭാഗങ്ങളിൽ അതിശക്തമായ കാലാവസ്ഥ തുടരുന്ന സാഹചര്യത്തിൽ രക്ഷാപ്രവർത്തനങ്ങൾ ശക്തമാക്കാൻ പ്രസിഡന്റ് ഷി ജിൻപിങ് ബന്ധപ്പെട്ട ഏജൻസികൾക്ക് നിർദേശം നൽകിയിട്ടുണ്ട്. വീടുകളിൽ കഴിയുക, വെള്ളക്കെട്ടുള്ള പ്രദേശങ്ങൾ ഒഴിവാക്കുക, വിഷപ്പാമ്പുകളെ കണ്ടാൽ ഉടൻ അധികൃതരെ അറിയിക്കുക തുടങ്ങിയ നിർദേശങ്ങളും പൊതുജനങ്ങൾക്ക് നൽകിയിട്ടുണ്ട്.
പരമ്പരാഗത ചൈനീസ് വൈദ്യശാസ്ത്രം, വിഷശേഖരണം, തുകൽ ഉൽപ്പന്നങ്ങൾ, ഭക്ഷ്യാവശ്യങ്ങൾ എന്നിവയ്ക്കായി ചൈനയിലെ ചില പ്രദേശങ്ങളിൽ വാണിജ്യാടിസ്ഥാനത്തിൽ പാമ്പ് വളർത്തൽ നിയമാനുസൃതമായി നടത്തിവരുന്നുണ്ട്. അതിനാൽ അതിശക്തമായ വെള്ളപ്പൊക്കകാലങ്ങളിൽ ഇത്തരത്തിലുള്ള സംഭവങ്ങൾ ആവർത്തിക്കാനുള്ള സാധ്യതയുണ്ടെന്ന് വിദഗ്ധർ ചൂണ്ടിക്കാട്ടുന്നു.
Summary: Nearly 900 snakes, including venomous cobras, escaped from a commercial breeding farm after devastating floods destroyed the facility in China’s Guangxi region. Authorities have launched a massive rescue operation, deployed emergency medical teams, and warned residents to avoid floodwaters as the disaster has already claimed at least 39 lives and displaced more than 130,000 people.
