ഹൈദരാബാദ്: അമ്മയ്ക്ക് സർപ്രൈസ് നൽകാൻ മക്കൾ പ്ലാൻ ചെയ്ത ഒരു രഹസ്യ യാത്രയുടെ വീഡിയോ സോഷ്യൽ മീഡിയയിൽ വൈറലാവുന്നു (Sisters surprise mother). ശ്രവ്യ ഗുണിപുഡി എന്ന യുവതിയും സഹോദരിയും ചേർന്ന് തങ്ങളുടെ അമ്മയ്ക്ക് നൽകിയ ‘സർപ്രൈസ് വീക്കെൻഡ് ട്രിപ്പ്’ ആണ് കാഴ്ചക്കാരുടെ മനംനിറയ്ക്കുന്നത്. അമ്മ അറിയാതെ ഒരാഴ്ച മുമ്പേ പ്ലാൻ ചെയ്ത ഈ യാത്രയുടെ വീഡിയോ ഇൻസ്റ്റാഗ്രാമിലാണ് പങ്കുവെച്ചിരിക്കുന്നത്.
അമ്മ അറിയാതെ ഒരാഴ്ച കൊണ്ട് വസ്ത്രങ്ങളും മറ്റും രഹസ്യമായി കാറിൽ കയറ്റി വെച്ചാണ് മക്കൾ ഈ യാത്ര പ്ലാൻ ചെയ്തത്. വാരാന്ത്യത്തിൽ അമ്മയ്ക്ക് തിരക്കൊന്നുമില്ലെന്ന് ഉറപ്പുവരുത്തിയ ശേഷം, ഒരു പാർക്കിലേക്ക് പോകാം എന്ന് പറഞ്ഞാണ് മക്കൾ അമ്മയെ കാറിൽ കയറ്റിയത്. പാർക്കിലേക്ക് പോകുകയാണെന്ന് കരുതി അതീവ സന്തോഷവതിയായിരുന്ന അമ്മയോട്, മക്കൾ സത്യം വെളിപ്പെടുത്തിയതാണ് വീഡിയോയിലെ ഹൈലൈറ്റ്.
“ഞങ്ങൾ നിങ്ങളോട് കള്ളം പറയുകയായിരുന്നു, നമ്മൾ പാർക്കിലേക്കല്ല പോകുന്നത്” എന്ന് മക്കൾ പറഞ്ഞപ്പോൾ ആദ്യം അമ്മ അമ്പരന്നു. എന്നാൽ വസ്ത്രങ്ങളെല്ലാം പാക്ക് ചെയ്ത് വെച്ചിട്ടുണ്ടെന്ന് അറിഞ്ഞതോടെ അമ്മയുടെ സന്തോഷം അണപൊട്ടി. ശീരിശൈലത്തേക്കാണ് തങ്ങൾ യാത്ര തിരിച്ചതെന്ന് മനസ്സിലാക്കിയ അമ്മയുടെ ആഹ്ളാദം കണ്ടുനിൽക്കുന്നവർക്കും സന്തോഷം നൽകുന്നതാണ്. മാതാപിതാക്കളെ ഇത്തരം സർപ്രൈസ് യാത്രകൾക്ക് കൊണ്ടുപോകുന്നത് വളരെ മനോഹരമായ ഓർമ്മകളായിരിക്കുമെന്ന് ശ്രവ്യ വീഡിയോയിൽ കുറിച്ചു. സോഷ്യൽ മീഡിയയിൽ വലിയ സ്വീകാര്യതയാണ് ഈ വീഡിയോയ്ക്ക് ലഭിക്കുന്നത്.
Summary: A heartwarming video of two sisters surprising their mother with a secret weekend getaway to Srisailam has gone viral. The sisters spent a week secretly packing their mother’s bags and lying about a trip to a local park to pull off the surprise, which left their mother speechless and overjoyed. The viral post has garnered widespread praise from social media users, who commended the sisters for creating such a special memory for their parent.
