മുംബൈ: ഡോംബിവ്ലിയിലെ ആശുപത്രിയിൽ വെച്ച് രണ്ട് ഡോക്ടർമാരെയും മറ്റ് ജീവനക്കാരെയും ആക്രമിച്ച കേസിൽ അറസ്റ്റിലായ ശിവസേന കോർപ്പറേറ്റർ രമേഷ് മ്ഹാത്രെയുടെ അപേക്ഷ തള്ളി കല്യാൺ കോടതി (Ramesh Mhatre Arrest). ആരോഗ്യപ്രശ്നങ്ങളാൽ നേരിട്ട് ഹാജരാകുന്നതിന് പകരം വിഡിയോ കോൺഫറൻസിങ് വഴി കോടതി നടപടികളിൽ പങ്കെടുക്കാൻ അനുവദിക്കണമെന്ന മ്ഹാത്രെയുടെ ആവശ്യമാണ് കോടതി നിരസിച്ചത്. ഇദ്ദേഹത്തെ നേരിട്ട് ഹാജരാക്കാൻ കോടതി നിർദ്ദേശിച്ചു.
കഴിഞ്ഞ തിങ്കളാഴ്ചയാണ് മ്ഹാത്രെയും അനുയായികളും ചേർന്ന് ആശുപത്രിയിൽ അക്രമം നടത്തിയത്. ഇതിനെതിരെ വലിയ രീതിയിലുള്ള പ്രതിഷേധങ്ങൾ ഉയർന്നതിനെത്തുടർന്ന് ബുധനാഴ്ചയാണ് ഇയാളെ പോലീസ് അറസ്റ്റ് ചെയ്തത്. അറസ്റ്റിന് പിന്നാലെ അസുഖബാധിതനായ ഇയാളെ താനെ സിവിൽ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. വൃക്ക സംബന്ധമായ അസുഖം, ഉയർന്ന രക്തസമ്മർദ്ദം, ഛർദ്ദി തുടങ്ങിയ ആരോഗ്യപ്രശ്നങ്ങൾ ഇയാൾക്കുണ്ടെന്നാണ് ഡോക്ടർമാർ പറയുന്നത്. വിദഗ്ധ സംഘത്തിന്റെ നിരീക്ഷണത്തിലാണ് ഇപ്പോൾ മ്ഹാത്രെ ചികിത്സയിലുള്ളത്.
Summary: A Kalyan court has rejected the petition filed by Shiv Sena corporator Ramesh Mhatre, who sought permission to appear via video conferencing for a court hearing due to alleged ill health. Mhatre was arrested on Wednesday following widespread public outrage over his assault on doctors and hospital staff in Dombivli earlier this week, and the court has now ordered his physical presence for the proceedings.
