മുംബൈ: മുംബൈ പവായി, വിഹാർ തടാകങ്ങൾക്ക് സമീപമുള്ള ചാന്ദ് ഷാ വാലി ദർഗയ്ക്ക് അടുത്ത് പാർക്ക് ചെയ്തിരുന്ന കാറുകൾക്കടിയിൽ ആറടി നീളമുള്ള ചതുപ്പുനില മുതലയെ കണ്ടെത്തി. പ്രദേശവാസികൾ നൽകിയ വിവരത്തിന്റെ അടിസ്ഥാനത്തിൽ ഫോറസ്റ്റ് ഉദ്യോഗസ്ഥരും വന്യജീവി സംരക്ഷണ സംഘടനകളായ റോ (RAWW), സാർപ് (SARRP) എന്നിവരും ചേർന്നാണ് മുതലയെ സുരക്ഷിതമായി പിടികൂടിയത്. കനത്ത മഴയെത്തുടർന്ന് തടാകം കവിഞ്ഞൊഴുകിയപ്പോൾ കരയിലേക്ക് ഒലിച്ചുവന്നതാകാം ഇതെന്നും പിന്നീട് തിരികെ പോകാൻ വഴി കണ്ടെത്താനാകാതെ വണ്ടിക്ക് അടിയിൽ അഭയം പ്രാപിച്ചതാകാമെന്നും അധികൃതർ വ്യക്തമാക്കി.(Six Foot Long Marsh Crocodile Rescued Under Parked Cars Near Powai Lake Mumbai)
ജനവാസ മേഖലയിലേക്ക് ഇത്രയും വലിയ മുതല എത്തിയത് പ്രദേശത്ത് വലിയ പരിഭ്രാന്തി പരത്തിയെങ്കിലും ആർക്കും പരിക്കേറ്റിട്ടില്ല. പിടികൂടിയ മുതലയെ റോ സംഘടനയിലെ ഡോ. പ്രീതി സാത്തെയുടെ നേതൃത്വത്തിൽ വിദഗ്ധ പരിശോധനയ്ക്ക് വിധേയമാക്കി. ആരോഗ്യനില തൃപ്തികരമാണെന്ന് ഉറപ്പുവരുത്തിയ ശേഷം വനംവകുപ്പ് ഇതിനെ സ്വാഭാവിക ജനവാസ മേഖലയിലേക്ക് തുറന്നുവിടും.
അതേസമയം, പവായി, വിഹാർ തടാകതീരങ്ങളിലെ വികസന പ്രവർത്തനങ്ങൾ മുതലകളുടെ സ്വാഭാവിക പ്രജനന കേന്ദ്രങ്ങളെയും മുട്ടയിടുന്ന സ്ഥലങ്ങളെയും നശിപ്പിക്കുന്നതായി പരിസ്ഥിതി പ്രവർത്തകർ ആശങ്ക പ്രകടിപ്പിച്ചു. ഇത്തരം നിർമ്മാണങ്ങൾ തടഞ്ഞില്ലെങ്കിൽ വരും ദിവസങ്ങളിൽ മുതലകൾ കൂടുതൽ ജനവാസ മേഖലകളിലേക്ക് ഇറങ്ങാനും മനുഷ്യരുമായി ഏറ്റുമുട്ടലുണ്ടാകാനും സാധ്യതയുണ്ടെന്ന് വിദഗ്ധർ മുന്നറിയിപ്പ് നൽകുന്നു.
Story Summary
A six-foot-long Indian marsh crocodile was rescued from underneath parked cars near Chand Shah Wali Dargah in Mumbai. Forest officials, along with wildlife groups RAWW and SARRP, successfully captured the reptile, which had drifted ashore due to heavy rains. Environmentalists expressed concern that nearby development is disrupting crocodile habitats.
