തിരുവനന്തപുരം: പിഎസ്സി (PSC) നിയമനക്രമക്കേട് വിവാദത്തിൽ ചെയർമാനെതിരെ രൂക്ഷവിമർശനവുമായി പിഎസ്സി യോഗത്തിൽ ബോർഡ് അംഗങ്ങൾ രംഗത്ത്. ക്രമക്കേടുമായി ബന്ധപ്പെട്ട അന്വേഷണം പിഎസ്സിയുടെ ഔദ്യോഗിക ആഭ്യന്തര വിജിലൻസിന് കൈമാറുന്നതിന് പകരം, പരീക്ഷാ കൺട്രോളർക്ക് നൽകിയ ചെയർമാന്റെ ഏകപക്ഷീയമായ നടപടി ഒരു തരത്തിലും അംഗീകരിക്കാൻ കഴിയില്ലെന്ന് അംഗങ്ങൾ യോഗത്തിൽ തുറന്നടിച്ചു.(Kerala PSC Recruitment Scam Board Members Slam Chairman)
ബോർഡ് അംഗങ്ങളുടെ കടുത്ത എതിർപ്പിനെത്തുടർന്ന് പരീക്ഷാ കൺട്രോളറുടെ നേതൃത്വത്തിൽ നടന്നു വന്നിരുന്ന നിലവിലെ അന്വേഷണം മരവിപ്പിക്കാൻ പിഎസ്സി യോഗം തീരുമാനിച്ചു. പകരം, വിജിലൻസ് എസ്.പി നേരിട്ടായിരിക്കും ഈ ക്രമക്കേടിനെക്കുറിച്ച് ഇനി വിശദമായ അന്വേഷണം നടത്തുക.
അതേസമയം, വിഷയത്തിൽ സർക്കാർ തലത്തിലുള്ള ഉയർന്ന അന്വേഷണം വേണമോ എന്ന കാര്യത്തിൽ വരും ദിവസങ്ങളിൽ ചേരുന്ന സംസ്ഥാന മന്ത്രിസഭാ യോഗത്തിൽ അന്തിമ തീരുമാനം ഉണ്ടായേക്കും. പിഎസ്സിയിൽ നടന്ന പരീക്ഷാ ക്രമക്കേടുകൾക്കെതിരെയും, വിജിലൻസ് അന്വേഷണം അട്ടിമറിച്ച് പരീക്ഷാ കൺട്രോളർക്ക് ചുമതല നൽകിയ ചെയർമാന്റെ നടപടിയിലും പ്രതിഷേധിച്ച് യൂത്ത് കോൺഗ്രസ് തിരുവനന്തപുരം ജില്ലാ കമ്മിറ്റി പിഎസ്സി ഓഫീസിലേക്ക് നടത്തിയ മാർച്ചിൽ കനത്ത സംഘർഷമുണ്ടായി. പിഎസ്സി ഓഫീസിന് മുന്നിൽ പോലീസ് തീർത്ത ശക്തമായ ബാരിക്കേഡുകൾ മറിച്ചിടാൻ പ്രവർത്തകർ ശ്രമിച്ചതോടെയാണ് മാർച്ച് അക്രമാസക്തമായത്.
Story Summary
In a heated Kerala PSC board meeting, members sharply criticized Chairman for bypass-routing the recruitment irregularity probe to the Controller of Examinations instead of the internal vigilance. Following the backlash, the current probe was frozen, and the case was handed over to the internal Vigilance SP. Meanwhile, a Youth Congress protest march turned violent in Thiruvananthapuram, prompting police to use water cannons.
