പട്ന : ബിഹാർ മുൻ മുഖ്യമന്ത്രി നിതീഷ് കുമാറിനെ രാജ്യത്തിന്റെ ഉപപ്രധാനമന്ത്രിയാക്കണമെന്ന ആവശ്യം രാഷ്ട്രീയ കേന്ദ്രങ്ങളിൽ ചർച്ചയാകുന്നു. നരേന്ദ്ര മോദി സർക്കാരിന്റെ വരാനിരിക്കുന്ന കേന്ദ്രമന്ത്രിസഭാ വിപുലീകരണത്തിന് മുന്നോടിയായാണ് ജെ.ഡി.യുവും ആർ.ജെ.ഡിയും ഈ ആവശ്യവുമായി രംഗത്തെത്തിയിരിക്കുന്നത്.(Nitish Kumar Should Be Appointed Deputy Prime Minister Demand Gains Momentum)
നിതീഷ് കുമാറിന്റെ ദീർഘകാല ഭരണപരിചയം ദേശീയ തലത്തിൽ ഉപയോഗപ്പെടുത്തണമെന്ന് ജെ.ഡി.യു എം.എൽ.എ പങ്കജ് മിശ്ര ആവശ്യപ്പെട്ടു. ഏകദേശം രണ്ട് പതിറ്റാണ്ടോളം ബിഹാർ മുഖ്യമന്ത്രിയായും മുൻപ് കേന്ദ്രമന്ത്രിയായും പ്രവർത്തിച്ച പരിചയസമ്പത്തുള്ള നിതീഷ് കുമാർ ഈ പദവിക്ക് ഏറ്റവും യോഗ്യനാണെന്ന് അദ്ദേഹം വ്യക്തമാക്കി. ബീഹാറിലെ ജനങ്ങളുടെ പിന്തുണയും ഈ ആശയത്തിനുണ്ടെന്ന് അദ്ദേഹം അവകാശപ്പെട്ടു.
ഇതുമായി ബന്ധപ്പെട്ട് ആർ.ജെ.ഡി നേതാവ് മുകേഷ് റോഷനും സമാനമായ അഭിപ്രായമാണ് പങ്കുവെച്ചത്. ഉപപ്രധാനമന്ത്രി പദവിക്ക് പുറമെ കൃഷി അല്ലെങ്കിൽ റെയിൽവേ പോലുള്ള സുപ്രധാന വകുപ്പുകൾ കൂടി നിതീഷ് കുമാറിന് നൽകണമെന്നും, ഇത് ബിഹാറിന് അഭിമാനകരമായ നേട്ടമായിരിക്കുമെന്നും അദ്ദേഹം പറഞ്ഞു. പാർട്ടികൾ ഒരേ സ്വരത്തിൽ ഒരു ആവശ്യം ഉന്നയിക്കുന്നത് സംസ്ഥാന രാഷ്ട്രീയത്തിൽ വലിയ കൗതുകമുണർത്തിയിട്ടുണ്ട്.
Story Summary
Calls for former Bihar Chief Minister Nitish Kumar to be appointed Deputy Prime Minister have gained momentum, with both his party, the Janata Dal (United), and the opposition RJD supporting the proposal. Amid speculation regarding a potential Union Cabinet expansion, political leaders argue that Kumar’s extensive administrative experience makes him an ideal candidate for a significant national role.
