ന്യൂഡൽഹി : അടുത്ത വർഷം തുടക്കത്തിൽ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഇന്ത്യ സന്ദർശനം നടക്കുമെന്ന് യുഎസ് സ്റ്റേറ്റ് സെക്രട്ടറി മാർക്കോ റൂബിയോ സ്ഥിരീകരിച്ചു. ഫ്രാൻസിൽ വെച്ച് നടന്ന ജി 7 ഉച്ചകോടിയിൽ പ്രധാനമന്ത്രി നരേന്ദ്ര മോദിയുമായി നടത്തിയ കൂടിക്കാഴ്ചയ്ക്ക് തൊട്ടുപിന്നാലെയാണ് ഇത്തരമൊരു സുപ്രധാന തീരുമാനം പുറത്തുവരുന്നത്.(Donald Trump to visit India next year as trade talks reach final stage)
ഇരു രാജ്യങ്ങളും തമ്മിലുള്ള വ്യാപാര കരാർ അന്തിമഘട്ടത്തിലാണെന്നും, ഇത് ഉടൻ തന്നെ പൂർത്തിയാകുമെന്നും റൂബിയോ വ്യക്തമാക്കി. കൂടാതെ, ഈ വർഷം അവസാനത്തോടെ താനും ഇന്ത്യ സന്ദർശിക്കുമെന്ന് റൂബിയോ അറിയിച്ചു. പ്രസിഡന്റിന്റെ സന്ദർശനത്തിനായുള്ള മുന്നൊരുക്കങ്ങൾ ഇതിന്റെ ഭാഗമായി നടക്കും. ഇന്ത്യയിലെ യുഎസ് അംബാസഡർ സെർജിയോ ഗോറും ഇക്കാര്യം സ്ഥിരീകരിച്ചിട്ടുണ്ട്.
പ്രധാനമന്ത്രിയും ട്രംപും തമ്മിലുള്ള ആഴത്തിലുള്ള സൗഹൃദം ഇരു രാജ്യങ്ങളും തമ്മിലുള്ള ബന്ധത്തെ കൂടുതൽ കരുത്തുറ്റതാക്കുന്നുവെന്നും അദ്ദേഹം പറഞ്ഞു. പ്രതിരോധം ഉൾപ്പെടെയുള്ള മേഖലകളിൽ കൂടുതൽ സഹകരണത്തിന് സാധ്യതയുണ്ടെന്നും അദ്ദേഹം കൂട്ടിച്ചേർത്തു.
Story Summary
US Secretary of State Marco Rubio has announced that preparations are underway for President Donald Trump to visit India early next year. The visit aims to strengthen bilateral ties, with both nations currently in the final stages of finalizing a significant trade agreement.
