ഇന്ത്യൻ സിനിമയുടെ ചരിത്രം മാറ്റിയെഴുതിയ ‘ബാഹുബലി’ പരമ്പരയുടെ മൂന്നാം ഭാഗം വരുന്നുവെന്ന സൂചനകളുമായി പ്രഭാസും റാണ ദഗ്ഗുബട്ടിയും. നെറ്റ്ഫ്ളിക്സിന്റെ പുതിയ ഡോക്യുമെന്ററിയായ ‘ബാഹുബലി: ദ ടോർച്ച്ബെയറർ’-ൽ നിന്നുള്ള ദൃശ്യങ്ങളാണ് ഇപ്പോൾ ആരാധകർക്കിടയിൽ വലിയ ചർച്ചകൾക്ക് വഴിവെച്ചിരിക്കുന്നത് (Baahubali 3). ചിത്രത്തിലെ പ്രധാന താരങ്ങളായ പ്രഭാസ്, റാണ ദഗ്ഗുബട്ടി, അനുഷ്ക ഷെട്ടി എന്നിവർ തമ്മിലുള്ള സംഭാഷണത്തിനിടെ, ബാഹുബലി വീണ്ടും വരുമെന്ന റാണയുടെ പരാമർശമാണ് ആരാധകർ ആഘോഷമാക്കുന്നത്.
#Bahubali Part 3 on cards?? 🧨🔥#Prabhas | #SSRajamouli | #Rana | #Anushka pic.twitter.com/29nS81ozuz
— Filmyscoops (@Filmyscoopss) June 26, 2026
ചർച്ചയ്ക്കിടെ പ്രഭാസ് മൂന്ന് വിരലുകൾ ഉയർത്തി കാണിക്കുകയും, ഉടൻ തന്നെ റാണയും അനുഷ്കയും ചേർന്ന് അത് തടയാൻ ശ്രമിക്കുന്നതും വീഡിയോയിൽ വ്യക്തമാണ്. ‘ബാഹുബലി 3’ എന്ന സൂചനയാണ് താരം നൽകിയതെന്ന് ഉറപ്പിക്കുകയാണ് ആരാധകർ. നേരത്തെ തന്നെ മൂന്നാം ഭാഗത്തെക്കുറിച്ചുള്ള അഭ്യൂഹങ്ങൾ ഉയർന്നിരുന്നെങ്കിലും, താരങ്ങളുടെ ഭാഗത്ത് നിന്ന് ഇത്തരമൊരു പ്രതികരണം ആദ്യമായാണ് ഉണ്ടാകുന്നത്. നിലവിൽ മഹേഷ് ബാബു നായകനാകുന്ന ‘വാരണാസി’യുടെ തിരക്കിലാണ് സംവിധായകൻ എസ്.എസ്. രാജമൗലി. എങ്കിലും ബാഹുബലിയുടെ പുതിയ ഭാഗത്തിനായി ആകാംക്ഷയോടെ കാത്തിരിക്കുകയാണ് സിനിമാ ലോകം.
Summary: Speculation about a third installment of the ‘Baahubali’ franchise has intensified after lead stars Prabhas and Rana Daggubati hinted at the possibility in a recent Netflix documentary, ‘Baahubali: The Torchbearer’. During a conversation, Rana suggested that Baahubali would return, while Prabhas gestured with three fingers, fueling excitement among fans. While director S.S. Rajamouli is currently busy with other projects, the viral video has reignited hopes for a third chapter in the epic saga.
