കൊച്ചി: ടെലിവിഷൻ സീരിയലുകളിലൂടെയും സിനിമകളിലൂടെയും മലയാളി പ്രേക്ഷകർക്ക് പ്രിയങ്കരിയായി മാറിയ നടിയും അവതാരകയുമായ പാർവതി ആർ കൃഷ്ണ സോഷ്യൽ മീഡിയയിൽ പങ്കുവെച്ച പുതിയ ചിത്രവും കുറിപ്പും ശ്രദ്ധേയമാകുന്നു (Parvathy R Krishna Prakash Varma director). പ്രമുഖ പരസ്യചിത്ര സംവിധായകനും നടനുമായ പ്രകാശ് വർമ്മയെ അദ്ദേഹത്തിന്റെ വസതിയിൽ സന്ദർശിച്ച വിവരമാണ് താരം ചിത്രത്തോടൊപ്പം പങ്കുവെച്ചിരിക്കുന്നത്. പ്രകാശ് വർമ്മയുടെ ലാളിത്യവും വിനയവും തന്നെ ഏറെ സ്വാധീനിച്ചുവെന്ന് പാർവതി കുറിച്ചു.
“മഹത്വത്തിന് ഒരു സാന്നിധ്യമുണ്ടെന്ന് ആളുകൾ പറയാറുണ്ട്. എന്നാൽ മഹത്വത്തിന് വലിയ വിനയമുണ്ടെന്ന് ഇന്ന് ഞാൻ തിരിച്ചറിഞ്ഞു,” എന്ന് കുറിച്ചുകൊണ്ടാണ് പാർവതി തന്റെ ഇൻസ്റ്റാഗ്രാം പോസ്റ്റ് ആരംഭിക്കുന്നത്.
പാർവതിയുടെ കുറിപ്പിലെ പ്രധാന വാക്കുകൾ:
“ബഹുമാനപ്പെട്ട പ്രകാശ് വർമ്മ സാറിനെ കണ്ടുമുട്ടിയത്, ഇന്ത്യയിലെ ഏറ്റവും പ്രശസ്തരായ ചലച്ചിത്ര പ്രവർത്തകരിൽ ഒരാളെ കണ്ടുമുട്ടുക മാത്രമായിരുന്നില്ല; അദ്ദേഹത്തിന്റെ വിജയത്തേക്കാൾ ഏറെ പ്രചോദനം നൽകുന്ന അദ്ദേഹത്തിന്റെ ലാളിത്യത്തെ തൊട്ടറിഞ്ഞതുകൂടിയായിരുന്നു. അദ്ദേഹം എത്രത്തോളം ഉയരങ്ങളിലേക്ക് വളർന്നോ, അത്രത്തോളം വിനയാന്വിതനായി മാറി. ഞാൻ എപ്പോഴും മനസ്സിൽ സൂക്ഷിക്കുന്ന ഒരു പാഠമായിരിക്കും ഇത്. താങ്കളുടെ വീട് എനിക്കായി തുറന്നുതന്നതിനും, വിലപ്പെട്ട സമയം പങ്കുവെച്ചതിനും നന്ദി. ഒപ്പം ഒരു കാര്യം എന്നെ ഓർമ്മിപ്പിച്ചതിനും- യഥാർത്ഥ ഇതിഹാസങ്ങൾ സ്വയം പ്രഖ്യാപിക്കേണ്ടതില്ല, അവരുടെ വിനയം അവർക്കുവേണ്ടി അത് സംസാരിക്കും.”
അന്താരാഷ്ട്ര തലത്തിൽ വരെ പ്രശസ്തിയാർജ്ജിച്ച മുൻനിര ഇന്ത്യൻ പരസ്യചിത്ര സംവിധായകനാണ് പ്രകാശ് വർമ്മ. പരസ്യമേഖലയ്ക്ക് പുറമെ കഴിഞ്ഞ വർഷം (2025) മോഹൻലാൽ കേന്ദ്രകഥാപാത്രത്തെ അവതരിപ്പിച്ച ‘തുടരും’ എന്ന ചിത്രത്തിലെ ‘ജോർജ്’ എന്ന വില്ലൻ കഥാപാത്രത്തിലൂടെ അദ്ദേഹം മികച്ച രീതിയിൽ അഭിനയരംഗത്തും അരങ്ങേറ്റം കുറിച്ചിരുന്നു. പ്രകാശ് വർമ്മയ്ക്കൊപ്പമുള്ള പാർവതിയുടെ ചിത്രങ്ങൾ ഇതിനകം തന്നെ സോഷ്യൽ മീഡിയയിൽ ആരാധകർ ഏറ്റെടുത്തു കഴിഞ്ഞു.
View this post on Instagram
Story Summary:
Actress and television host Parvathy R Krishna shared a heartwarming picture and note following her meeting with acclaimed ad filmmaker and actor Prakash Varma. She expressed deep admiration for his simplicity and humility, calling him a true legend.
