വാഷിംഗ്ടൺ: വടക്കേ അമേരിക്കയിൽ ഫിഫ ലോകകപ്പ് 2026 ആരംഭിക്കാൻ ദിവസങ്ങൾ മാത്രം ബാക്കിനിൽക്കെ യുഎസിലെ മിസൗറിയിലുള്ള കൻസാസ് സിറ്റിയിൽ വെടിവെപ്പ് (FIFA Kansas City Shooting). ലോകകപ്പ് ടൂർണമെന്റിനിടെ ഇംഗ്ലണ്ട് ഫുട്ബോൾ ടീമിന്റെ പരിശീലന ക്യാമ്പായി നിശ്ചയിച്ചിട്ടുള്ള ‘സ്വോപ്പ് സോക്കർ വില്ലേജിന്’നാല് മൈൽ മാത്രം അകലെയാണ് ശനിയാഴ്ച പുലർച്ചെ ഈ സംഭവം അരങ്ങേറിയത്. വെടിവെപ്പിൽ ഒൻപത് പേർക്ക് പരിക്കേറ്റതായും ഇവരുടെ പരിക്ക് ഗുരുതരമല്ലെന്നും കൻസാസ് സിറ്റി പോലീസ് സ്ഥിരീകരിച്ചു. സംഭവത്തിൽ ഇതുവരെ പ്രതികളാരും പിടിയിലായിട്ടില്ലെന്നും അന്വേഷണം ഊർജ്ജിതമായി പുരോഗമിക്കുകയാണെന്നും അധികൃതർ വ്യക്തമാക്കി.
വെടിവെപ്പ് നടക്കുമ്പോൾ ഇംഗ്ലണ്ട് ടീം അംഗങ്ങൾ കൻസാസ് സിറ്റിയിൽ എത്തിയിരുന്നില്ല. നിലവിൽ ഫ്ലോറിഡയിൽ അവസാനഘട്ട പരിശീലനത്തിലുള്ള ഇംഗ്ലണ്ട് ടീം, ബുധനാഴ്ച ഒർലാൻഡോയിൽ കോസ്റ്റാറിക്കയ്ക്കെതിരെ പ്രീ-ടൂർണമെന്റ് സൗഹൃദ മത്സരം കളിച്ച ശേഷമായിരിക്കും കൻസാസിലേക്ക് തിരിക്കുക. ജൂൺ 17-ന് ഡാളസ് സ്റ്റേഡിയത്തിൽ ക്രൊയേഷ്യക്കെതിരെയാണ് ഇംഗ്ലണ്ടിന്റെ ലോകകപ്പിലെ ആദ്യ മത്സരം. ഗ്രൂപ്പ് എല്ലിൽ ഘാന, പനാമ എന്നിവരാണ് ഇംഗ്ലണ്ടിന്റെ മറ്റ് എതിരാളികൾ. ഹാരി കെയ്ൻ നയിക്കുന്ന 26 അംഗ ഇംഗ്ലണ്ട് ടീമിൽ ജൂഡ് ബെല്ലിംഗ്ഹാം, ഡെക്ലാൻ റൈസ്, ബുക്കായോ സാക്ക തുടങ്ങിയ പ്രമുഖ താരങ്ങളുണ്ട്. ലോകകപ്പിന് തൊട്ടുമുൻപ് കൻസാസ് സിറ്റിയിലുണ്ടായ ഈ വെടിവെപ്പ് യുഎസിലെ തോക്ക് സംസ്കാരത്തെയും സായുധ അക്രമങ്ങളെയും കുറിച്ചുള്ള ആശങ്കകൾ വീണ്ടും വർദ്ധിപ്പിച്ചിട്ടുണ്ട്.
Summary: Nine people sustained non-life-threatening injuries in a mass shooting that occurred approximately four miles from Swope Soccer Village, the designated FIFA World Cup 2026 training base camp for the England national football team in Kansas City, Missouri. The England squad, led by captain Harry Kane, had not yet arrived in Kansas City at the time of the incident, as they are currently completing final training sessions in Florida before playing a friendly against Costa Rica in Orlando. While local police have confirmed that none of the victims’ injuries are life-threatening, no suspects have been taken into custody so far.
