ബെയ്ജിംഗ്: ചൈനയിലെ ഷാൻക്സി പ്രവിശ്യയിൽ 32 നിലകൾ മാത്രമുള്ള പുതിയ അപ്പാർട്ട്മെന്റ് കെട്ടിടത്തിൽ 34-ാം നിലയിലെ ഫ്ലാറ്റ് വാങ്ങി വഞ്ചിതനായ മധ്യവയസ്കൻ തുക തിരികെ കിട്ടാതെ കടുത്ത നിയമപോരാട്ടത്തിൽ (Chinese Homebuyer Fraud). ഷെൻ എന്ന് പേരുള്ള വ്യക്തിയാണ് 2013-ൽ പ്രവിശ്യാ തലസ്ഥാനമായ സിയാന് സമീപമുള്ള ഗ്രാമത്തിൽ നിർമ്മിച്ച ഭവന സമുച്ചയത്തിൽ 90 ചതുരശ്ര മീറ്റർ വിസ്തീർണ്ണമുള്ള ഫ്ലാറ്റ് വാങ്ങിയത്. ചൈനയിലെ റിയൽ എസ്റ്റേറ്റ് വിപണിയിലെ ശരാശരി വിലയുടെ മൂന്നിലൊന്ന് മാത്രം വിലയുള്ളതിനാലാണ് ഇദ്ദേഹം ഈ ഫ്ലാറ്റ് തിരഞ്ഞെടുത്തത്. എന്നാൽ നിർമ്മാണം പൂർത്തിയായപ്പോൾ താൻ വാങ്ങിയ ഫ്ലാറ്റ് സ്ഥിതി ചെയ്യേണ്ട 34-ാം നില കെട്ടിടത്തിന് ഇല്ലെന്ന ഞെട്ടിക്കുന്ന വിവരമാണ് ഇദ്ദേഹം അറിഞ്ഞത്.
ചൈനയിൽ ഗ്രാമീണ കൂട്ടായ്മകളുടെ ഉടമസ്ഥതയിലുള്ള ഭൂമിയിൽ നിയമവിരുദ്ധമായി നിർമ്മിക്കുന്ന ‘ലിമിറ്റഡ് പ്രോപ്പർട്ടി റൈറ്റ്സ്’ വിഭാഗത്തിൽപ്പെട്ട ഫ്ലാറ്റാണ് ഷെൻ വാങ്ങിയത്. ചൈനീസ് നിയമപ്രകാരം ഇത്തരം അനധികൃത നിർമ്മാണങ്ങൾക്ക് നിയമപരിരക്ഷയോ മറ്റ് സർട്ടിഫിക്കറ്റുകളോ ലഭിക്കാറില്ല. കുറഞ്ഞ വിലയ്ക്ക് ലഭിക്കുമെന്നതിനാൽ നിരവധി സാധാരണക്കാരാണ് ഇത്തരം ഫ്ലാറ്റുകൾ വാങ്ങാറുള്ളത്. 2013-ൽ കരാർ ഒപ്പിടുമ്പോൾ ആവശ്യമായ രേഖകൾ പിന്നീട് ശരിയാക്കി നൽകാമെന്ന് ബിൽഡർ ഉറപ്പ് നൽകിയിരുന്നു. തുടർന്ന് 1,17,700 യുവാൻ ഡൗൺ പേയ്മെന്റായി നൽകി.
2017-ൽ കെട്ടിടം പൂർത്തിയായപ്പോഴാണ് 32 നിലകൾ മാത്രമേ ഉള്ളൂവെന്ന് ബിൽഡർ വെളിപ്പെടുത്തിയത്. പകരം 32-ാം നിലയിൽ ഫ്ലാറ്റ് നൽകാമെന്ന് പറഞ്ഞെങ്കിലും പിന്നീട് അത് മറ്റൊരാൾക്ക് മറിച്ചുവിറ്റു. പണം തിരികെ ചോദിച്ചപ്പോൾ പലതവണയായി പകുതി തുക നൽകിയ ശേഷം ബിൽഡർ ഫോൺ എടുക്കാതായി. തുടർന്ന് ഷെൻ സിയാൻ അധികൃതരെ സമീപിച്ച് ആർബിട്രേഷൻ ഉത്തരവ് സമ്പാദിച്ചെങ്കിലും ബിൽഡറുടെ ബാങ്ക് അക്കൗണ്ടുകളിലോ പേിലോ യാതൊരു സമ്പാദ്യവും ഇല്ലാത്തതിനാൽ കോടതി ഉപഭോഗ നിയന്ത്രണ ഉത്തരവ് പുറപ്പെടുവിച്ചിട്ടും ബാക്കി തുകയോ നഷ്ടപരിഹരം വരെയും ഷെന്നിന് ലഭിച്ചിട്ടില്ല.
Summary: A Chinese homebuyer surnamed Shen has been left propertyless and mired in a complex legal battle after discovering that the 34th-floor flat he purchased in 2013 was inside a building that only had 32 floors. Located in northwestern China’s Shaanxi province, the apartment was sold under the “limited property rights” category—a grey market real estate format illegally developed on rural collective land without government certification.
