അയോധ്യ: ഉത്തർപ്രദേശിൽ കൊലപാതകവും തട്ടിക്കൊണ്ടുപോകലും ഉൾപ്പെടെ നാൽപ്പതിലധികം ക്രിമിനൽ കേസുകളിൽ പ്രതിയായ കുപ്രസിദ്ധ കൊട്ടേഷൻ ഗുണ്ട ഭാനു പ്രതാപ് സിംഗ് പോലീസ് എൻകൗണ്ടറിൽ കൊല്ലപ്പെട്ടു (Wanted UP Criminal Killed). യുപി പോലീസിന്റെ പ്രത്യേക അന്വേഷണ വിഭാഗമായ സ്പെഷ്യൽ ടാസ്ക് ഫോഴ്സ് അയോധ്യയിൽ വെച്ച് നടത്തിയ ശക്തമായ ഏറ്റുമുട്ടലിലാണ് ഇയാൾക്ക് വെടിയേറ്റത്. ഗുരുതരമായി പരിക്കേറ്റ സിംഗിനെ ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും അതിനോടകം മരണം സംഭവിച്ചതായി ഡോക്ടർമാർ സ്ഥിരീകരിച്ചു.
വർഷങ്ങളായി പോലീസിനെ വെട്ടിച്ച് ഒളിവിൽ കഴിഞ്ഞിരുന്ന ഭാനു പ്രതാപ് സിംഗിനെ കണ്ടെത്താൻ യുപിയിലെ വിവിധ ജില്ലാ പോലീസുകൾ ലക്ഷക്കണക്കിന് രൂപ പ്രതിഫലം പ്രഖ്യാപിച്ചിരുന്നു. ഇയാളെക്കുറിച്ച് വിവരം നൽകുന്നവർക്കായി അസംഗഡ് പോലീസ് ഒരു ലക്ഷം രൂപയും, അംബേദ്കർ നഗർ പോലീസ് 50,000 രൂപയും, ഗോരഖ്പൂർ പോലീസ് 15,000 രൂപയും ഇനാം പ്രഖ്യാപിച്ചിരുന്നു. കൊലപാതകം, വൻകിട തട്ടിപ്പുകൾ, കവർച്ചകൾ, ആയുധക്കടത്ത് തുടങ്ങി നിരവധി ഗുരുതരമായ കുറ്റകൃത്യങ്ങളിൽ പ്രതിയായിരുന്ന സിംഗ്, കോടതികളിൽ നിരന്തരം ഹാജരാകാതിരുന്നതിനെ തുടർന്ന് കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു. രഹസ്യ വിവരത്തിന്റെ അടിസ്ഥാനത്തിൽ അയോധ്യയിൽ വളഞ്ഞ എസ്ടിഎഫ് സംഘത്തിന് നേരെ പ്രതി വെടിയുതിർക്കുകയായിരുന്നുവെന്നും തുടർന്നുണ്ടായ ആത്മരക്ഷാർത്ഥമുള്ള തിരിച്ചടിയിലാണ് കുറ്റവാളി കൊല്ലപ്പെട്ടതെന്നും യുപി എസ്ടിഎഫ് ഉന്നത ഉദ്യോഗസ്ഥർ വ്യക്തമാക്കി.
Summary: A notorious contract killer, Bhanu Pratap Singh, who was facing over 40 criminal cases, was killed in a fierce police encounter with the Uttar Pradesh Special Task Force (UP STF) in Ayodhya. Singh, a wanted fugitive with a long criminal record involving murder, extortion, and dacoity, carried a cumulative bounty of over ₹1.65 lakh announced by the Azamgarh, Ambedkar Nagar, and Gorakhpur police departments. According to senior STF officials, Singh sustained fatal injuries during the crossfire when he opened fire at the tracking team and was declared dead upon arrival at a local hospital.
