മുംബൈ: ഇന്ത്യൻ ടി20 ക്രിക്കറ്റ് ടീമിന്റെ പുതിയ നായകനായി പ്രഖ്യാപിക്കപ്പെട്ടതിന് പിന്നാലെ തന്റെ നിലപാടുകൾ ബിസിസിഐക്ക് വ്യക്തമാക്കിക്കൊണ്ട് മറുപടിയുമായി സ്റ്റാർ ബാറ്റർ ശ്രേയസ് അയ്യർ (Shreyas Iyer Indian T20I Captain). കരിയറിലെ പുതിയൊരു ഉത്തരവാദിത്തത്തിലേക്ക് ചുവടുവെക്കുമ്പോൾ നായകസ്ഥാനം വലിയൊരു വെല്ലുവിളിയാണെന്നും എന്നാൽ മറ്റാരുടെയും നിഴലിൽ ഒതുങ്ങിനിൽക്കാൻ താൻ ആഗ്രഹിക്കുന്നില്ലെന്നും അദ്ദേഹം തുറന്നുപറഞ്ഞു. മുംബൈയിൽ നടന്ന ഒരു കായിക-സാങ്കേതിക പരിപാടിയിൽ സംസാരിക്കവെയാണ് ഇന്ത്യൻ നായകനെന്ന നിലയിലുള്ള തന്റെ സമീപനത്തെക്കുറിച്ച് ശ്രേയസ് അയ്യർ മനസ്സ് തുറന്നത്.
Shreyas Iyer about his Captaincy : “I don’t want to change my personality, I want to be the same person as I was before and I don’t want to be someone else or be under someone’s shadow”
Shots fired. Ultimatum given to GG that he’s not a puppet captain. 😭😭😭 pic.twitter.com/4KFbKl9Y40
— Dhillon (@sehajdhillon_) June 7, 2026
ക്യാപ്റ്റൻ സ്ഥാനം ലഭിച്ചു എന്നുകരുതി തന്റെ വ്യക്തിത്വത്തിലോ കളിക്കുന്ന ശൈലിയിലോ യാതൊരുവിധ മാറ്റവും വരുത്താൻ താൻ ഉദ്ദേശിക്കുന്നില്ലെന്ന് ശ്രേയസ് വ്യക്തമാക്കി. മുൻപ് എങ്ങനെയായിരുന്നോ അതേ വ്യക്തിയായി തന്നെ തുടർന്നും മുന്നോട്ട് പോകാനാണ് ആഗ്രഹിക്കുന്നത്. 2023 ഡിസംബറിലാണ് ശ്രേയസ് അവസാനമായി ഇന്ത്യയ്ക്ക് വേണ്ടി ടി20 മത്സരം കളിച്ചത്. തുടർന്ന് 2025-ലെ ടി20 ലോകകപ്പിലോ ഏഷ്യാ കപ്പിലോ അദ്ദേഹത്തെ ടീമിലേക്ക് പരിഗണിച്ചിരുന്നില്ല. സൂര്യകുമാർ യാദവിന്റെ നേതൃത്വത്തിലാണ് ഇന്ത്യ ഈ ടൂർണമെന്റുകളെ നേരിട്ടത്. എന്നാൽ അടുത്തിടെ സൂര്യകുമാറിന്റെ ഫോം മോശമായതോടെയും, ഐപിഎല്ലിൽ ശ്രേയസ് നടത്തിയ മികച്ച പ്രകടനങ്ങൾ കണക്കിലെടുത്തുമാണ് അജിത് അഗാർക്കറുടെ നേതൃത്വത്തിലുള്ള സെലക്ഷൻ കമ്മിറ്റി വരാനിരിക്കുന്ന അയർലൻഡ്, ഇംഗ്ലണ്ട് പര്യടനങ്ങൾക്കുള്ള ഇന്ത്യൻ ടീമിന്റെ നായകനായി ശ്രേയസിനെ നിയോഗിച്ചത്.
ഐപിഎല്ലിൽ 2024-ൽ കൊൽക്കത്ത നൈറ്റ് റൈഡേഴ്സിനെ കിരീടത്തിലേക്ക് നയിച്ചതും, 2025-ൽ പഞ്ചാബ് കിങ്സിനെ ഫൈനലിൽ എത്തിച്ചതും ശ്രേയസിന്റെ നായക മികവിലായിരുന്നു. കെകെആർ കിരീടം നേടിയപ്പോൾ ശ്രേയസിനേക്കാൾ കൂടുതൽ പ്രശംസ ടീമിന്റെ മെന്ററായിരുന്ന ഗൗതം ഗംഭീറിനാണ് ലഭിച്ചിരുന്നത്. ഇപ്പോൾ ഗംഭീർ ഇന്ത്യൻ ടീമിന്റെ മുഖ്യ പരിശീലകനായിരിക്കെ ശ്രേയസ് ക്യാപ്റ്റനായി എത്തുമ്പോൾ ഇരുവരും തമ്മിലുള്ള കൂട്ടുകെട്ട് ഇന്ത്യൻ ക്രിക്കറ്റിന്റെ ഭാവി നിർണ്ണയിക്കുന്നതിൽ വലിയ പങ്കുവഹിക്കും.
Summary: Newly appointed Indian T20I captain Shreyas Iyer has made his leadership stance clear to the BCCI, stating that he has no intention of changing his personality or operating under anyone else’s shadow. Rewarded for his consistent IPL captaincy, where he led KKR to the 2024 title and Punjab Kings to the 2025 final, Iyer was selected by the Ajit Agarkar-led committee to replace Suryakumar Yadav for the upcoming tours of Ireland and England.
