ന്യൂഡൽഹി: ഡൽഹി സർവകലാശാലയ്ക്ക് കീഴിലുള്ള ശിവാജി കോളേജ് അസിസ്റ്റന്റ് പ്രൊഫസർ ദെബോസ്മിത പോളിന്റെ കൊലപാതകം നടന്ന് മൂന്നാം ദിവസം പ്രതികൾ പിടിയിലായി. സ്വത്തുകേസിലെ തർക്കത്തെത്തുടർന്നാണ് ദമ്പതികൾ കൊലപാതകം ആസൂത്രണം ചെയ്തതെന്ന് പോലീസ് വ്യക്തമാക്കി.(Delhi University Professor Murder Case Solved West Bengal Couple Arrested)
ഈസ്റ്റ് ഡൽഹിയിലെ വസുധാര എൻക്ലേവിലെ സത്യം അപ്പാർട്ട്മെന്റിൽ താമസിച്ചിരുന്ന ദെബോസ്മിതയെ കഴിഞ്ഞ ബുധനാഴ്ചയാണ് മരിച്ച നിലയിൽ കണ്ടെത്തിയത്. പ്രതികൾ ബർധമാനിൽ നിന്ന് ഡൽഹിയിലെത്തി യുവതിയെ കാണുകയാണെന്ന വ്യാജേന ഫ്ലാറ്റിലെത്തുകയായിരുന്നു. സംശയം തോന്നാതിരിക്കാൻ ഇവർ തങ്ങളുടെ മകനെയും കൂടെക്കൂട്ടിയിരുന്നു. ഫ്ലാറ്റിലെത്തിയ ദമ്പതികൾ കൈയിൽ കരുതിയിരുന്ന ആയുധം ഉപയോഗിച്ച് ദെബോസ്മിതയെ കൊലപ്പെടുത്തിയ ശേഷം 30 മിനിറ്റിനുള്ളിൽ ഫ്ലാറ്റിൽ നിന്ന് പുറത്തിറങ്ങി. പുറത്തുനിന്ന് ഫ്ലാറ്റ് പൂട്ടിയിരുന്നതിനാൽ പിറ്റേദിവസം സഹോദരി ദെവരാതി വന്ന് വാതിൽ പൊളിച്ചപ്പോഴാണ് കൊലപാതക വിവരം പുറത്തറിയുന്നത്. തലയിലേറ്റ ആഴത്തിലുള്ള മുറിവും കൈ ഞരമ്പ് മുറിച്ച നിലയിലുമാണ് മൃതദേഹം കണ്ടെത്തിയത്. മോഷണമല്ല കൊലപാതകത്തിന്റെ ലക്ഷ്യമെന്ന് ഉറപ്പാക്കാൻ ആഭരണങ്ങളും പണവും നഷ്ടപ്പെട്ടിരുന്നില്ല.
പശ്ചിമ ബംഗാളിൽ ദെബോസ്മിതയ്ക്ക് കോടിക്കണക്കിന് രൂപ വിലമതിക്കുന്ന ഒരു സ്വത്തുണ്ടായിരുന്നു. ഇവർ വാടകയ്ക്ക് താമസിച്ചിരുന്നവരാണ് പ്രതികളായ രാംപ്രസാദും ബാൻശ്രീയും. ഈ വസ്തു സ്വന്തമാക്കാൻ പ്രതികൾ നിരന്തരം ശ്രമിച്ചിരുന്നു. വസ്തു ഒഴിയാൻ ദെബോസ്മിത ആവശ്യപ്പെട്ടതോടെ പക മൂത്ത ദമ്പതികൾ കൊലപാതകം ആസൂത്രണം ചെയ്യുകയായിരുന്നു. സിസിടിവി ദൃശ്യങ്ങളും ടാക്സി ഡ്രൈവറിൽ നിന്നുള്ള വിവരങ്ങളും കേന്ദ്രീകരിച്ചുള്ള അന്വേഷണമാണ് പ്രതികളിലേക്ക് എത്തിച്ചത്. 200 പേരെ ചോദ്യം ചെയ്യുകയും ഏഴ് പോലീസ് സംഘങ്ങൾ വിവിധ സംസ്ഥാനങ്ങളിൽ റെയ്ഡ് നടത്തുകയും ചെയ്തതിലൂടെയാണ് കേസ് ചുരുളഴിഞ്ഞത്. പ്രതികളെ ഡൽഹിയിലെത്തിക്കാനായി പോലീസ് ട്രാൻസിറ്റ് റിമാൻഡിന് അപേക്ഷ നൽകും.
Story Summary
The murder of Delhi University professor Debosmita Paul has been solved with the arrest of a couple from West Bengal, Ramprasad Das and Banshree Das, in Bardhaman. The accused allegedly traveled 1,400 km to Delhi to murder the professor due to a property dispute over an inherited asset in Bengal that they were attempting to acquire illegally.
