ഭോപ്പാൽ: മധ്യപ്രദേശിലെ ശിവ്പുരി ജില്ലയിൽ പ്രണയനൈരാശ്യത്തെത്തുടർന്ന് പതിനേഴുകാരിക്ക് നേരെ യുവാവിന്റെ ക്രൂരമായ ആക്രമണം. പെൺകുട്ടിയെ കോടാലി ഉപയോഗിച്ച് ഇരുപതോളം തവണ മുഖത്തും തലയിലും വെട്ടിപ്പരിക്കേൽപ്പിച്ച ശേഷം, വീടിന്റെ മേൽക്കൂരയിൽ കെട്ടിത്തൂക്കി കൊല്ലാൻ ശ്രമിച്ച പ്രതി ധർമ്മേന്ദ്ര പരിഹാറിനെ നാട്ടുകാർ പിടികൂടി പോലീസിലേൽപ്പിച്ചു (Madhya Pradesh Stalker Axe Attack Teenager). വെള്ളിയാഴ്ച പകൽസമയത്ത് പെൺകുട്ടി വീട്ടിൽ തനിച്ചായിരുന്ന സമയത്താണ് പ്രതി അതിക്രമിച്ചു കയറിയത്. മാരകമായി പരിക്കേറ്റ് ചോര വാർന്ന നിലയിലായിരുന്ന പെൺകുട്ടിയെ പ്രതി മേൽക്കൂരയിൽ കെട്ടിത്തൂക്കാൻ ശ്രമിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ പ്രദേശത്ത് വൻ ജനരോഷം ഉയർന്നു.
കഴുത്തിൽ കയർ മുറുക്കി തൂക്കാൻ ശ്രമിക്കുന്നതിനിടെ പ്രതിയുടെ കൈയിൽ നിന്നും പിടിവിട്ട് പെൺകുട്ടി താഴേക്ക് വീഴുകയായിരുന്നു. നിലവിളി കേട്ട് ഓടിയെത്തിയ അയൽക്കാരാണ് രക്തത്തിൽ കുളിച്ചുകിടന്ന പെൺകുട്ടിയെ ആശുപത്രിയിലെത്തിച്ചത്. മുഖത്തും തലയിലും ഗുരുതരമായി പരിക്കേറ്റ പെൺകുട്ടി തീവ്രപരിചരണ വിഭാഗത്തിൽ ചികിത്സയിലാണ്. പ്രതി മുൻപും പെൺകുട്ടിയെ ശല്യം ചെയ്യുകയും ഉപദ്രവിക്കാൻ ശ്രമിക്കുകയും ചെയ്തിരുന്നതായി ബന്ധുക്കൾ ആരോപിച്ചു. സംഭവത്തിൽ പ്രതിക്കെതിരെ വധശ്രമം ഉൾപ്പെടെയുള്ള കടുത്ത വകുപ്പുകൾ ചുമത്തി പോലീസ് കേസെടുത്തിട്ടുണ്ട്. അക്രമത്തിൽ പ്രതിഷേധിച്ച് നാട്ടുകാരും ബന്ധുക്കളും ചേർന്ന് പ്രധാന റോഡ് ഉപരോധിക്കുകയും പ്രതിയുടെ വീട് പൊളിച്ചുനീക്കണമെന്ന് ആവശ്യപ്പെടുകയും ചെയ്തു.
Summary: A 17-year-old girl in Madhya Pradesh’s Shivpuri district survived a horrific murder attempt after being brutally attacked with an axe by a jilted stalker. The accused, Dharmendra Parihar, forced entry into the victim’s house, struck her nearly 20 times on her face and head, and then attempted to hang her from the roof. Neighbors rushed to the scene upon hearing her screams, rescued the critically injured teenager, and overpowered the accused before handing him over to the police, sparking massive local protests demanding immediate demolition of his property.
