ന്യൂഡൽഹി: നീറ്റ് പരീക്ഷാ വിവാദത്തിൽ കേന്ദ്ര വിദ്യാഭ്യാസ മന്ത്രിക്കെതിരെ ഡൽഹി ജന്തർ മന്ദറിൽ നടക്കുന്ന ‘കോക്രോച്ച് ജനതാ പാർട്ടി’യുടെ വൻ പ്രതിഷേധത്തിൽ രാജ്യത്തെ യുവാക്കളെ അഭിസംബോധന ചെയ്ത് പാർട്ടി സ്ഥാപകൻ അഭിജീത് ദിപ്കെ (Cockroach Janta Party Jantar Mantar Protest). “ഈ രാജ്യത്തെ യുവാക്കൾ ഇനി ഒന്നിനെയും ഭയപ്പെടില്ല, അവർ പോരാടും. പാറ്റകൾ ഒന്നിനെയും ഭയപ്പെടാറില്ല, അവ ഒരിക്കലും ചാവുകയുമില്ല,” എന്ന് ജന്തർ മന്ദറിലെ പ്രതിഷേധ വേദിയിൽ വലിയ ജനക്കൂട്ടത്തെ സാക്ഷിനിർത്തി അഭിജീത് ദിപ്കെ പ്രഖ്യാപിച്ചു. കനത്ത സുരക്ഷാ വലയത്തിൽ ജന്തർ മന്ദറിലെ പ്രധാന സ്റ്റേജിലേക്ക് ‘ജയ് ഭീം’ മുദ്രാവാക്യങ്ങൾ വിളിച്ചുകൊണ്ടാണ് അഭിജീത് എത്തിയത്. നീറ്റ്, സിബിഎസ്ഇ പരീക്ഷാ ക്രമക്കേടുകൾക്കെതിരെ ഈ ഡിജിറ്റൽ കൂട്ടായ്മ ഭൂമിയിൽ നേരിട്ട് നടത്തുന്ന ആദ്യത്തെ വൻ ജനമുന്നേറ്റമാണിത്.
പ്രതിഷേധ വേദിയിലേക്ക് ‘ഹിറ്റ്’ പ്രാണനാശിനി സ്പ്രേയുമായി എത്തി കോക്രോച്ച് ജനതാ പാർട്ടിക്കെതിരെ വേറിട്ട പ്രതിഷേധം നടത്താൻ ശ്രമിച്ച ഡൽഹി സ്വദേശിയായ ഒരു യുവാവിനെ പോലീസ് പിന്നീട് സംഭവസ്ഥലത്തുനിന്നും മാറ്റി. പ്രതിഷേധക്കാരെ ഇയാൾ ‘ടുക്ഡെ ടുക്ഡെ’ ഗാംഗിന്റെ ഭാഗമാണെന്ന് വിളിച്ച് ആക്ഷേപിച്ചതിനെത്തുടർന്ന് സമരക്കാരുമായി നേരിയ തോതിൽ മൽപിടുത്തമുണ്ടായ പശ്ചാത്തലത്തിലാണ് പോലീസ് ഇടപെട്ടത്. പരീക്ഷാ ചോർച്ചകളിൽ കൃത്യമായ നടപടിയുണ്ടാകുന്നതുവരെ സമരം തുടരുമെന്നാണ് സിജെപി അറിയിച്ചിരിക്കുന്നത്.
Summary: Addressing a massive gathering at Jantar Mantar, Cockroach Janta Party (CJP) founder Abhijeet Dipke declared that the nation’s youth would no longer live in fear and would fight back against system irregularities, adding that “cockroaches never fear and never die.” Arriving on stage to echoing ‘Jai Bhim’ slogans, this marked the digital group’s first major on-ground mobilization against the recent national exam scandals.
