ബെംഗളുരു: ഡി.കെ. ശിവകുമാർ ദീർഘകാലം കർണാടക മുഖ്യമന്ത്രിയായി അധികാരത്തിൽ തുടരുമെന്ന് അദ്ദേഹത്തിന്റെ വിശ്വസ്ത ജ്യോതിഷി ദ്വാരകനാഥ്. കർണാടകയിൽ പുതിയ സർക്കാർ രൂപീകരണവുമായി ബന്ധപ്പെട്ട ചർച്ചകൾ പുരോഗമിക്കുന്നതിനിടെയാണ് ജ്യോതിഷിയുടെ ഈ പ്രവചനം.(DK Shivakumar To Have Long Tenure As Karnataka CM Predicts Astrologer)
ഡി.കെ. ശിവകുമാറിന് സത്യപ്രതിജ്ഞ ചെയ്യുന്നതിനായി മെയ് 31, ജൂൺ 5, ജൂൺ 6 എന്നീ മൂന്ന് തീയതികൾ താൻ നിർദ്ദേശിച്ചിട്ടുണ്ടെന്ന് ജ്യോതിഷി വെളിപ്പെടുത്തി. ഹൈക്കമാൻഡിന്റെ പൂർണ്ണ പിന്തുണ ശിവകുമാറിനുണ്ടാകുമെന്നും അദ്ദേഹം പറഞ്ഞു. ഇതൊരു ഒറ്റദിവസത്തെയോ ഒരു തവണത്തെ മാത്രം മുഖ്യമന്ത്രിയോ അല്ല. അദ്ദേഹം ദീർഘകാലം കർണാടകയെ നയിക്കും, അദ്ദേഹത്തിന്റെ ജാതകം വളരെ മികച്ചതാണ്, ദ്വാരകനാഥ് കൂട്ടിച്ചേർത്തു.
ശിവകുമാറിന്റെ ഭരണത്തിൽ കർണാടക സമ്പന്നവും ആരോഗ്യകരവുമാകുമെന്നും ജ്യോതിഷി പ്രത്യാശ പ്രകടിപ്പിച്ചു. 2028-ലെ നിയമസഭാ തെരഞ്ഞെടുപ്പിലും ശിവകുമാർ അധികാരത്തിൽ തിരിച്ചെത്തുമെന്ന് അദ്ദേഹം പ്രവചിച്ചു. നിലവിൽ വലിയ ഉത്തരവാദിത്തങ്ങളാണ് അദ്ദേഹം പേറുന്നത്, വരാനിരിക്കുന്ന ഭരണകാലം മികച്ചതായിരിക്കുമെന്നും ജ്യോതിഷി പറഞ്ഞു.
Story Summary
Astrologer Dwarkanath, a close confidant of Karnataka Congress leader D.K. Shivakumar, has predicted a long and successful tenure for the leader as the state’s Chief Minister. Suggesting specific dates for the oath-taking ceremony, the astrologer asserted that Shivakumar would also win the 2028 assembly elections, dismissing notions of a short-lived leadership. The Congress is currently preparing to meet in Bengaluru to formally elect its new state leader.
