തിരുവനന്തപുരം:പ്രതിപക്ഷ നേതാവ് പിണറായി വിജയന്റെ ഓഫീസിൽ പരിശോധനയ്ക്കെത്തിയ എൻഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥരെ സി.പി.എം-ഡിവൈഎഫ്ഐ പ്രവർത്തകർ ആക്രമിച്ച കേസിൽ മൂന്ന് പേരെക്കൂടി പോലീസ് അറസ്റ്റ് ചെയ്തു (ED officials attacked Thiruvananthapuram three more arrested). ഇതോടെ സംഭവവുമായി ബന്ധപ്പെട്ട് പിടിയിലായവരുടെ ആകെ എണ്ണം എട്ടായി ഉയർന്നു. ഇന്ന് അറസ്റ്റിലായ മൂന്ന് പ്രതികളിൽ ഒരാളെ കോട്ടയത്തുനിന്നാണ് പോലീസ് കസ്റ്റഡിയിലെടുത്തത്. നേരത്തെ അറസ്റ്റിലായ പ്രതികളിൽ അഞ്ച് പേരെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.
അതേസമയം , കേന്ദ്ര ഏജൻസിക്ക് നേരെ തലസ്ഥാന നഗരിയിലുണ്ടായ അതിക്രമത്തിൽ പൊലീസിന് ഗുരുതരമായ സുരക്ഷാവീഴ്ച സംഭവിച്ചെന്ന ആരോപണം ശക്തമായതിനെ തുടർന്ന് ആഭ്യന്തരമന്ത്രി രമേശ് ചെന്നിത്തല സംസ്ഥാന പോലീസ് മേധാവി (ഡിജിപി) റവാഡ ചന്ദ്രശേഖറിനെയും ഇന്റലിജൻസ് മേധാവിയെയും ഔദ്യോഗിക വസതിയിലേക്ക് വിളിച്ചുവരുത്തി വിശദീകരണം തേടി. ഇഡി ഉദ്യോഗസ്ഥർ ആക്രമിക്കപ്പെട്ട സംഭവത്തിൽ പൊലീസിന്റെ ഭാഗത്തുനിന്ന് എന്തെങ്കിലും തരത്തിലുള്ള വീഴ്ചകൾ സംഭവിച്ചിട്ടുണ്ടോ എന്ന് വിപുലമായി പരിശോധിക്കുമെന്ന് ആഭ്യന്തരമന്ത്രിയുമായുള്ള കൂടിക്കാഴ്ചയ്ക്ക് ശേഷം സംസ്ഥാന പോലീസ് മേധാവി റവാഡ ചന്ദ്രശേഖർ മാധ്യമങ്ങളോട് പറഞ്ഞു.
ഇതിനിടെ , അക്രമം നടന്ന സ്ഥലത്ത് ഇന്ന് രാവിലെ ഫോറൻസിക് വിദഗ്ദ്ധരും വിരലടയാള വിദഗ്ദ്ധരും അടങ്ങുന്ന പ്രത്യേക സംഘം എത്തി വിശദമായ ശാസ്ത്രീയ പരിശോധനകൾ നടത്തി തെളിവുകൾ ശേഖരിച്ചു. സംഭവവുമായി ബന്ധപ്പെട്ട് നിലവിൽ രണ്ട് വെവ്വേറെ എഫ്.ഐ.ആറുകളാണ് പോലീസ് രജിസ്റ്റർ ചെയ്തിരിക്കുന്നത്.
കൃത്യമായ രാഷ്ട്രീയ ലക്ഷ്യത്തോടെയുള്ള ആസൂത്രിതമായ ഗൂഢാലോചനയാണ് ആക്രമണത്തിന് പിന്നിൽ നടന്നിട്ടുള്ളതെന്നാണ് പരിക്കേറ്റ ഇഡി ഉദ്യോഗസ്ഥർ പോലീസിന് നൽകിയ ഔദ്യോഗിക മൊഴി. ആക്രമണത്തിൽ നേരിട്ട് പങ്കാളിയാകുകയും അണികളെ അക്രമത്തിന് പ്രേരിപ്പിക്കുകയും ചെയ്ത സി.പി.എം മുൻ കൗൺസിലർ ഐ.പി. ബിനു ഉൾപ്പെടെയുള്ള പ്രമുഖ നേതാക്കൾ നിലവിൽ ഒളിവിലാണ്. ഇവർക്കായി തലസ്ഥാനത്തും പരിസര ജില്ലകളിലും പോലീസ് തെരച്ചിൽ ഊർജ്ജിതമാക്കിയിരിക്കുകയാണ്.
Story Summary: Three more CPM-DYFI workers have been arrested in connection with the attack on ED officials at former CM Pinarayi Vijayan’s office, bringing the total arrests to eight. Five accused were remanded for 14 days. Following backlash over security lapses, Home Minister Ramesh Chennithala summoned DGP Rawada Chandrasekhar and the Intelligence Chief, while forensics gathered evidence for the two FIRs registered.
