കോഴിക്കോട്: പെരുമണ്ണ ഗ്രാമപഞ്ചായത്തിൽ രണ്ട് കുട്ടികൾക്ക് ഷിഗെല്ല രോഗബാധ സ്ഥിരീകരിച്ചു. പെരുമണ്ണ ഗ്രാമപഞ്ചായത്തിലെ പാറക്കണ്ടം, പുതിയോട്ടിൽ ഭാഗങ്ങളിലുള്ള രണ്ടും മൂന്നും വയസ്സുള്ള കുട്ടികൾക്കാണ് രോഗം കണ്ടെത്തിയത്. പ്രാരംഭ ലക്ഷണങ്ങളെ തുടർന്ന് ആദ്യം പെരുമണ്ണ ഹെൽത്ത് സെന്ററിൽ പ്രവേശിപ്പിച്ച ഇരുവരെയും പിന്നീട് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.(Two Children Diagnosed With Shigella Kozhikode Perumanna Panchayat Health Alert)
കുട്ടികളുടെ ആരോഗ്യനില നിലവിൽ തൃപ്തികരമാണെന്ന് ആരോഗ്യവകുപ്പ് അധികൃതർ അറിയിച്ചു. രോഗബാധ സ്ഥിരീകരിച്ച സാഹചര്യത്തിൽ പെരുമണ്ണ ഗ്രാമപഞ്ചായത്തിലും പരിസര പ്രദേശങ്ങളിലും ആരോഗ്യവകുപ്പ് കടുത്ത ജാഗ്രതാ നിർദേശം പുറപ്പെടുവിച്ചിട്ടുണ്ട്. മലിനമായ ഭക്ഷണത്തിലൂടെയും വെള്ളത്തിലൂടെയും പകരുന്ന ഈ അണുബാധ പടരാതിരിക്കാൻ ജനങ്ങൾ മുൻകരുതലുകൾ എടുക്കണമെന്ന് അധികൃതർ ആവശ്യപ്പെട്ടു.
രോഗം റിപ്പോർട്ട് ചെയ്ത മേഖലകളിൽ പ്രതിരോധ പ്രവർത്തനങ്ങൾ ശക്തമാക്കിയിട്ടുണ്ട്. വീടുകൾ കയറിയുള്ള ബോധവൽക്കരണം, കിണറുകൾ ക്ലോറിനേഷൻ നടത്തൽ, സൂപ്പർ ക്ലോറിനേഷൻ ഉറപ്പാക്കൽ എന്നിവ ത്വരിതഗതിയിൽ പുരോഗമിക്കുകയാണ്.
Story Summary
Two children, aged two and three, from the Parakkandam and Puthiyottil areas of Perumanna Grama Panchayat in Kozhikode have been diagnosed with the Shigella bacterial infection. Initially treated at the Perumanna Health Centre, they were later shifted to the Kozhikode Medical College Hospital, where their conditions are currently stable.
