വാഷിംഗ്ടൺ: കമ്മ്യൂണിസ്റ്റ് ഭരണകൂടം നിലനിൽക്കുന്ന ക്യൂബയ്ക്കെതിരെ കടുത്ത സൈനിക നടപടിയുടെ സൂചനകൾ നൽകി അമേരിക്കൻ പ്രസിഡന്റ് ഡൊണാൾഡ് ട്രംപും സ്റ്റേറ്റ് സെക്രട്ടറി മാർക്കോ റൂബിയോയും രംഗത്ത്. ക്യൂബ വർഷങ്ങളായി അമേരിക്കയുടെ ദേശീയ സുരക്ഷയ്ക്ക് ഭീഷണിയാണെന്നും റഷ്യ, ചൈന എന്നീ രാജ്യങ്ങളുമായുള്ള ക്യൂബയുടെ ബന്ധം അംഗീകരിക്കാനാവില്ലെന്നും റൂബിയോ വ്യക്തമാക്കി. പതിറ്റാണ്ടുകളായി യുഎസ് പ്രസിഡന്റുമാർ ആലോചിക്കുന്ന ക്യൂബൻ ഇടപെടൽ ഒടുവിൽ നടപ്പിലാക്കുന്നത് താനായിരിക്കുമെന്ന് പ്രസിഡന്റ് ട്രംപും മാധ്യമങ്ങളോട് പറഞ്ഞു. (US Cuba Military Action Threat)
ക്യൂബയിൽ ഭരണമാറ്റം ലക്ഷ്യമിട്ട് ഇന്ധന ഉപരോധം ഉൾപ്പെടെയുള്ള കടുത്ത സാമ്പത്തിക നിയന്ത്രണങ്ങളാണ് ട്രംപ് ഭരണകൂടം നിലവിൽ ഏർപ്പെടുത്തിയിരിക്കുന്നത്. കഴിഞ്ഞ ദിവസം ക്യൂബയുടെ മുൻ പ്രസിഡന്റ് റൗൾ കാസ്ട്രോയ്ക്കെതിരെ അമേരിക്ക കുറ്റപത്രം സമർപ്പിച്ചതും കരീബിയൻ മേഖലയിൽ യുഎസ് യുദ്ധക്കപ്പലുകൾ വിന്യസിച്ചതും മേഖലയിൽ യുദ്ധഭീതി വർദ്ധിപ്പിച്ചിട്ടുണ്ട്. എന്നാൽ, അമേരിക്കയുടേത് അധിനിവേശ നീക്കമാണെന്നും വ്യാജ ആരോപണങ്ങൾ ഉന്നയിച്ച് സൈനിക ആക്രമണത്തിനാണ് യുഎസ് ശ്രമിക്കുന്നതെന്നും ക്യൂബൻ വിദേശകാര്യ മന്ത്രി ബ്രൂണോ റോഡ്രിഗസ് ആരോപിച്ചു. അമേരിക്കയുടെ ഈ നീക്കത്തിനെതിരെ ചൈനയും റഷ്യയും ശക്തമായ വിയോജിപ്പ് രേഖപ്പെടുത്തുകയും സമാധാനം നിലനിർത്താൻ ആവശ്യപ്പെടുകയും ചെയ്തിട്ടുണ്ട്.
Summary: US President Donald Trump and Secretary of State Marco Rubio have escalated tensions by raising the threat of military action against Cuba, citing it as a persistent national security threat due to its close ties with Russia and China. This development follows a series of aggressive measures by the Trump administration, including a crippling fuel blockade aimed at forcing regime change, the recent indictment of Cuba’s former President Raul Castro, and a significant US military buildup in the Caribbean.
