ബംഗളൂരു: കന്നഡ അനുകൂല സംഘടനകൾക്കും കർഷക സംഘടനകൾക്കുമെതിരെ രജിസ്റ്റർ ചെയ്തിരുന്ന 52 ക്രിമിനൽ കേസുകൾ പിൻവലിക്കാനുള്ള മന്ത്രിസഭയുടെ തീരുമാനത്തെ ശക്തമായി ന്യായീകരിച്ച് കർണാടക ആഭ്യന്തര മന്ത്രി ജി. പരമേശ്വര. ഓരോ കേസും വിശദമായി പരിശോധിച്ച മന്ത്രിസഭാ ഉപസമിതിയുടെ ശുപാർശയുടെ അടിസ്ഥാനത്തിലാണ് ഈ നടപടിയെന്ന് അദ്ദേഹം വ്യക്തമാക്കി.(Karnataka Cabinet Decides To Withdraw 52 Criminal Cases Home Minister Defends)
വ്യാഴാഴ്ച ചേർന്ന കർണാടക മന്ത്രിസഭാ യോഗമാണ് സംസ്ഥാനത്തെ വിവിധ പോലീസ് സ്റ്റേഷനുകളിൽ രജിസ്റ്റർ ചെയ്തിരുന്ന 52 ഓളം ക്രിമിനൽ കേസുകൾ പ്രൊസിക്യൂഷൻ നടപടികളിൽ നിന്ന് പൂർണ്ണമായി പിൻവലിക്കാൻ തീരുമാനമെടുത്തത്. പ്രതിപക്ഷത്തിന്റെ ഭാഗത്തുനിന്ന് ഇതിനെതിരെ വിമർശനങ്ങൾ ഉയർന്ന പശ്ചാത്തലത്തിലാണ് ആഭ്യന്തര മന്ത്രി വിശദീകരണവുമായി രംഗത്തെത്തിയത്.
വിവിധ പ്രക്ഷോഭങ്ങളുമായി ബന്ധപ്പെട്ട് തങ്ങൾക്കെതിരെ ചുമത്തിയ കേസുകൾ പിൻവലിക്കണമെന്ന് ആവശ്യപ്പെട്ട് കന്നഡ സംഘടനകളും കർഷക യൂണിയനുകളും വർഷങ്ങളായി സർക്കാരിന് നിവേദനങ്ങൾ നൽകിവരികയായിരുന്നുവെന്ന് ജി. പരമേശ്വര പറഞ്ഞു. കർഷകരുടെയും കന്നഡ പ്രവർത്തകരുടെയും ഈ ആവശ്യങ്ങൾ പരിഗണിച്ചാണ് സർക്കാർ വിഷയം മന്ത്രിസഭാ ഉപസമിതിക്ക് വിട്ടത്. ഉപസമിതി ഓരോ കേസും വ്യക്തിഗതമായി പരിശോധിക്കുകയും ചർച്ച ചെയ്യുകയും ചെയ്തു. നിയമപരമായി തന്നെ ഈ കേസുകൾ പിൻവലിക്കാൻ സാധിക്കുമെന്ന് ബോധ്യപ്പെട്ടതിൻ്റെ അടിസ്ഥാനത്തിലാണ് അന്തിമ തീരുമാനമെടുത്തത്, ആഭ്യന്തര മന്ത്രി മാധ്യമങ്ങളോട് വ്യക്തമാക്കി.
Story Summary
Karnataka Home Minister G Parameshwara defended the cabinet’s decision to withdraw 52 criminal cases against various pro-Kannada and farmers’ organisations. He stated that the action was taken legally based on the detailed reviews and recommendations of a cabinet sub-committee.
