വാഷിങ്ടൺ: ഇറാനെതിരെ യു.എസ് – ഇസ്രയേൽ സഖ്യം നടത്തിയ സൈനിക നീക്കങ്ങളിൽ അമേരിക്കയ്ക്ക് കനത്ത ആയുധ-സാമ്പത്തിക തിരിച്ചടി നേരിട്ടതായി റിപ്പോർട്ട്. ഫെബ്രുവരി 28-ന് യു.എസ്-ഇസ്രയേൽ സഖ്യം ടെഹ്റാനിൽ നടത്തിയ സംയുക്ത ആക്രമണത്തോടെയാണ് യുദ്ധത്തിന് തുടക്കമിട്ടത്. അന്നു മുതൽ ഇതുവരെ യു.എസിന്റെ അത്യാധുനിക അക്രമണ-നിരീക്ഷണ ഡ്രോണുകളായ എംക്യു-9 റീപ്പർ ഉൾപ്പെടെ മുപ്പതോളം ഡ്രോണുകൾ ഇറാൻ തകർത്തതായാണ് പുറത്തുവരുന്ന വിവരങ്ങൾ.(US Lost Billions In Aircraft In Iran War Ceasefire Talks Progressing Reports)
വിപണിയിൽ ഏകദേശം മൂന്ന് കോടി ഡോളർ വിലമതിക്കുന്നതാണ് ഒരു എംക്യു-9 റീപ്പർ ഡ്രോൺ. ഡ്രോണുകൾ മാത്രം തകർന്നതിലൂടെ അമേരിക്കയ്ക്ക് 100 കോടിയോളം ഡോളറിന്റെ നഷ്ടമുണ്ടായി. ഇത് യുദ്ധത്തിന് മുൻപ് പെന്റഗണിന്റെ കൈവശമുണ്ടായിരുന്ന ആകെ റീപ്പർ ഡ്രോണുകളുടെ 20 ശതമാനത്തോളം വരും.
ചുരുങ്ങിയത് 24 എംക്യു-9 റീപ്പർ ഡ്രോണുകൾ തകർക്കപ്പെട്ടതായി മറ്റൊരു റിപ്പോർട്ടും വ്യക്തമാക്കുന്നുണ്ട്. ഇതിൽ ഭൂരിഭാഗവും അന്തരീക്ഷത്തിൽ വെച്ച് ഇറാൻ പ്രതിരോധ നിര വെടിവെച്ചിട്ടതാണ്. ചിലത് ഇറാന്റെ മിസൈൽ ആക്രമണത്തിൽ തറയിൽ വെച്ചും മറ്റു ചിലത് യുദ്ധത്തിനിടയിലെ അപകടങ്ങളിലും തകർന്നു. അമേരിക്കയിൽ നിലവിൽ ഇവയുടെ ഉത്പാദനം നിർത്തിവെച്ചിരിക്കുന്നതിനാൽ തകർന്ന ഡ്രോണുകൾക്ക് പകരം സംവിധാനം കണ്ടെത്താനാകാതെ പെന്റഗൺ പ്രതിസന്ധിയിലാണ്.
ഡ്രോണുകൾക്ക് പുറമെ യു.എസിന് തങ്ങളുടെ പ്രമുഖ യുദ്ധവിമാനങ്ങളും ഈ യുദ്ധത്തിൽ നഷ്ടമായിട്ടുണ്ട്. പൈലറ്റുമാർ ഉണ്ടായിരുന്ന F-15E സ്ട്രൈക്ക് ഈഗിൾ, A-10 തണ്ടർബോൾട്ട് II എന്നീ രണ്ട് യുദ്ധവിമാനങ്ങൾ അമേരിക്കയ്ക്ക് നഷ്ടമായി. ഇതിന് പുറമെ ഇറാന് മുകളിൽ വെച്ച് യു.എസിന്റെ ഒരു ഇ-3 വ്യോമ മുന്നറിയിപ്പ് വിമാനവും, കെസി-135 ഏരിയൽ ടാങ്കറുകളും, മറ്റ് മൂന്ന് എഫ്-15 വിമാനങ്ങളും, രണ്ട് എംസി-130ജെ മൾട്ടി പർപ്പസ് കാർഗോ വിമാനങ്ങളും തകർക്കപ്പെട്ടതായി വ്യക്തമാക്കുന്നു.
Story Summary
The US military has lost around 30 drones, including 24 MQ-9 Reapers, worth nearly $1 billion since the US-Israel strikes on Tehran in late February, according to Bloomberg. The Pentagon also lost crewed jets like an F-15E and an A-10, alongside cargo and tanker aircraft. Following Iran’s retaliatory strikes on Gulf nations, both countries are currently holding intense indirect negotiations for a final peace deal.
