കഴിഞ്ഞ 15 വർഷമായി ഓൺലൈൻ ഗെയിമിംഗിലൂടെ കൂടെയുണ്ടായിരുന്ന ഉറ്റസുഹൃത്തിന്റെ വിയോഗത്തിൽ ഒരു ഗെയിമർ പങ്കുവെച്ച ഹൃദയസ്പർശിയായ കുറിപ്പ് സോഷ്യൽ മീഡിയയിൽ വൈറലാകുന്നു ( Xbox Live Gaming Friend). ‘എനിക്ക് ഇന്നലെ എന്റെ ഡ്യുവോയെ (ഗെയിമിംഗ് പങ്കാളി) നഷ്ടമായി’ എന്ന തലക്കെട്ടോടെ റെഡ്ഡിറ്റിൽ പങ്കുവെച്ച ഈ കുറിപ്പ് ലോകമെമ്പാടുമുള്ള ഗെയിമർമാരുടെ കണ്ണുനിറയ്ക്കുകയാണ്. ഹാലോ, റെഡ് ഡെഡ് റിഡംപ്ഷൻ , മൈൻക്രാഫ്റ്റ് തുടങ്ങിയ ഗെയിമുകളിലൂടെ കൗമാരപ്രായം മുതൽ വളർന്നുവന്ന അപൂർവ സൗഹൃദത്തിന്റെ കഥയാണ് ഈ കുറിപ്പിലുള്ളത്.
തങ്ങളുടെ 15-ാം വയസ്സിൽ എക്സ്ബോക്സ് ലൈവിലൂടെയാണ് ഇരുവരും പരിചയപ്പെടുന്നത്. ഗെയിമിംഗിനിടയിൽ ‘ബർഗർ കിംഗ്’ എന്ന കോൾ സൈൻ ഉപയോഗിച്ചിരുന്ന സുഹൃത്ത് ഹെലികോപ്റ്റർ പറത്തി തനിക്ക് രക്ഷയേകിയിരുന്ന ബാറ്റിൽഫീൽഡ് 3 കാലത്തെ ഓർമ്മകൾ അദ്ദേഹം പങ്കുവെച്ചു. വർഷങ്ങൾക്കുശേഷം സുഹൃത്തിന്റെ കാമുകി വഴി അപ്രതീക്ഷിതമായി ഒരു റോഡ് ട്രിപ്പ് പ്ലാൻ ചെയ്യുകയും, പത്ത് വർഷത്തെ ഓൺലൈൻ സൗഹൃദത്തിനൊടുവിൽ ഇരുവരും നേരിട്ട് കണ്ട് സംസാരിക്കുകയും ചെയ്തിരുന്നു. ഇനിയൊരിക്കലും സുഹൃത്തിന്റെ ഗെയിമിംഗ് ഐഡി ഓൺലൈനിൽ തെളിയില്ലെന്ന യാഥാർത്ഥ്യം ഉൾക്കൊള്ളാൻ കഴിയുന്നില്ലെന്നും, ഓൺലൈൻ സൗഹൃദങ്ങളെ എല്ലാവരും വിലമതിക്കണമെന്നും ഓർമ്മിപ്പിച്ചാണ് ‘ലോഗ് ഓഫ്’ ചെയ്ത സുഹൃത്തിന് അദ്ദേഹം വിട നൽകിയത്.
Summary: A poignant Reddit post titled “I lost my duo yesterday” has moved the internet to tears as a gamer penned a heartfelt tribute to his online gaming friend of 15 years, known by the gamertag ‘KSI Abolic’. Meeting on Xbox Live as teenagers, the duo forged a deep bond playing games like Halo, Red Dead Redemption, and a decade-long Minecraft world.
