തിരുവനന്തപുരം: പെരിയയിൽ യൂത്ത് കോൺഗ്രസ് പ്രവർത്തകരായ കൃപേഷിനെയും ശരത് ലാലിനെയും ക്രൂരമായി വെട്ടിക്കൊലപ്പെടുത്തിയ കേസിലെ പ്രതികൾക്ക് കൂട്ടത്തോടെ പരോൾ അനുവദിച്ച സംഭവത്തിൽ ആഭ്യന്തരമന്ത്രി രമേശ് ചെന്നിത്തല അടിയന്തര റിപ്പോർട്ട് ആവശ്യപ്പെട്ടു. എൽ.ഡി.എഫ് സർക്കാർ ഭരണമൊഴിയുന്നതിന് തൊട്ടുമുമ്പ് ജയിൽ വകുപ്പ് സ്വീകരിച്ച ഈ നടപടിയെക്കുറിച്ച് സമഗ്രമായി അന്വേഷിച്ച് എത്രയും വേഗം റിപ്പോർട്ട് നൽകാനാണ് ആഭ്യന്തര വകുപ്പ് അഡീഷണൽ ചീഫ് സെക്രട്ടറി ബിശ്വനാഥ് സിൻഹയോട് മന്ത്രി നിർദ്ദേശിച്ചിരിക്കുന്നത്.(Periya Twin Murder Case, Home Minister Ramesh Chennithala Seeks Urgent Report On Convicts Parole)
പരോൾ അനുവദിച്ചതുമായി ബന്ധപ്പെട്ട എല്ലാ വസ്തുതകളും നിയമപരമായ വശങ്ങളും പരിശോധിച്ച ശേഷം, റിപ്പോർട്ട് ലഭിക്കുന്ന മുറയ്ക്ക് കർശനമായ തുടർനടപടികൾ സ്വീകരിക്കും. പുതിയ യു.ഡി.എഫ് സർക്കാർ അധികാരമേറ്റതിന് പിന്നാലെയാണ് ഈ അടിയന്തര ഇടപെടൽ.
പെരിയ കല്യോട്ടെ രാഷ്ട്രീയ കൊലപാതക കേസിൽ ശിക്ഷ അനുഭവിക്കുന്ന ഒന്നാം പ്രതി ഉൾപ്പെടെയുള്ള അഞ്ച് പേർക്കാണ് പരോൾ അനുവദിച്ചത്. ഒന്നാം പ്രതി പീതാംബരൻ, നാലാം പ്രതി അനിൽ, അഞ്ചാം പ്രതി ഗിജിൻ, ഏഴാം പ്രതി അശ്വിൻ, പതിനഞ്ചാം പ്രതി സുരേന്ദ്രൻ എന്നിവരാണ് നിലവിൽ ജയിലിന് പുറത്തിറങ്ങി വീടുകളിലെത്തിയിരിക്കുന്നത്. 20 ദിവസത്തേക്കാണ് ഇവർക്ക് താൽക്കാലികമായി പരോൾ അനുവദിച്ചിരിക്കുന്നത്.
Story Summary
Home Minister Ramesh Chennithala has sought an urgent report from Home Department Additional Chief Secretary Bishwanath Sinha regarding the mass parole granted to five convicts, including the prime accused Peethambaran, in the Periya twin murder case. The parole was fast-tracked by the jail department just before the LDF government vacated office, triggering strong political opposition.
