മുംബൈ: കൊൽക്കത്ത നൈറ്റ് റൈഡേഴ്സിനെതിരായ മത്സരത്തിലെ പെരുമാറ്റച്ചട്ട ലംഘനത്തെത്തുടർന്ന് മുംബൈ ഇന്ത്യൻസ് നായകൻ ഹാർദിക് പാണ്ഡ്യയ്ക്ക് ബിസിസിഐ പിഴ ചുമത്തി (Hardik Pandya Fined IPL 2026). മാച്ച് ഫീയുടെ 10 ശതമാനം പിഴയായി ഒടുക്കുന്നതിന് പുറമെ ഹാർദിക്കിന് ഒരു ഡീമെറിറ്റ് പോയിന്റും നൽകിയിട്ടുണ്ട്. ഐപിഎൽ പെരുമാറ്റച്ചട്ടത്തിലെ ലെവൽ 1 കുറ്റമാണ് താരം ചെയ്തതെന്ന് മാച്ച് റഫറി കണ്ടെത്തി. ഐപിഎൽ 2026-ൽ ബുധനാഴ്ച നടന്ന മത്സരത്തിൽ കൊൽക്കത്തയോട് മുംബൈ ഇന്ത്യൻസ് 4 വിക്കറ്റിന് പരാജയപ്പെട്ടിരുന്നു.
കൊൽക്കത്ത ഇന്നിങ്സിന്റെ പത്താം ഓവറിലായിരുന്നു പിഴയ്ക്കടിസ്ഥാനമായ സംഭവം നടന്നത്. പന്തെറിയാനായി റൺ-അപ്പിലേക്ക് മടങ്ങുന്നതിനിടെ ഹാർദിക് പാണ്ഡ്യ വിക്കറ്റിലെ ബെയിൽസ് ബലം പ്രയോഗിച്ച് തള്ളിയിടുകയായിരുന്നു. കളിയിലെ ഉപകരണങ്ങളോ ഗ്രൗണ്ടിലെ വസ്തുക്കളോ ദുരുപയോഗം ചെയ്യുന്നതുമായി ബന്ധപ്പെട്ട ഐപിഎൽ പെരുമാറ്റച്ചട്ടത്തിലെ ആർട്ടിക്കിൾ 2.2-ന്റെ ലംഘനമായാണ് ഇത് കണക്കാക്കപ്പെടുന്നത്. മത്സരത്തിന് ശേഷം ബാറ്റിങ്ങിലെയും ഫീൽഡിങ്ങിലെയും പോരായ്മകളാണ് തോൽവിക്ക് കാരണമായതെന്ന് ഹാർദിക് സമ്മതിച്ചിരുന്നു.
Summary: Mumbai Indians captain Hardik Pandya has been fined 10 per cent of his match fee and handed one Demerit Point for breaching Level 1 of the IPL Code of Conduct. The penalty was imposed following an incident during the 10th over of the KKR innings in Wednesday’s match, where Hardik forcefully knocked down the bails while returning to his bowling run-up. He was found guilty of breaching Article 2.2, which relates to the abuse of cricket equipment or ground fixtures, during the game which Mumbai Indians lost by 4 wickets.
