കൊച്ചി: മലയാളികളുടെ പ്രിയപ്പെട്ട ടെലിവിഷൻ-സിനിമ താരമായ തെസ്നി ഖാൻ സോഷ്യൽ മീഡിയയിൽ പങ്കുവെച്ച പുതിയ ചിത്രങ്ങളാണ് ഇപ്പോൾ ആരാധകർക്കിടയിൽ ശ്രദ്ധ നേടുന്നത് (Tesni Khan Instagram pictures). നടിയും നർത്തകിയുമായ ഷംന കാസിമിനും മക്കൾക്കുമൊപ്പമുള്ള മനോഹരമായ നിമിഷങ്ങളാണ് തെസ്നി ഖാൻ ഇൻസ്റ്റാഗ്രാമിലൂടെയും ഫേസ്ബുക്കിലൂടെയും പങ്കുവെച്ചിരിക്കുന്നത്.
“ഞാനും എന്റെ ഷംനയും കണ്ടുമുട്ടിയപ്പോൾ. കൂടെ ദു വായും ഹംദാനും,” എന്ന സ്നേഹം നിറഞ്ഞ അടിക്കുറിപ്പോടെയാണ് താരം ചിത്രങ്ങൾ പോസ്റ്റ് ചെയ്തത്.
സിനിമ-ടെലിവിഷൻ മേഖലകളിൽ ഏറെ നാളത്തെ സൗഹൃദമുള്ളവരാണ് തെസ്നി ഖാനും ഷംന കാസിമും.പ്രിയ താരങ്ങൾ ഒന്നിച്ചുള്ള ചിത്രങ്ങൾ പുറത്തുവന്നതോടെ നിരവധി ആരാധകരും സഹപ്രവർത്തകരുമാണ് ചിത്രങ്ങൾക്ക് താഴെ ലൈക്കുകളും സ്നേഹം നിറഞ്ഞ കമന്റുകളുമായി എത്തിയിരിക്കുന്നത്. കുരുന്നുകളായ ദു വായെയും ഹംദാനെയും ഒപ്പം കണ്ടതിലുള്ള സന്തോഷവും പലരും പങ്കുവെക്കുന്നുണ്ട്.
മലയാളത്തിന് പുറമേ തമിഴ്, കന്നഡ, തെലുങ്ക് തുടങ്ങിയ ദക്ഷിണേന്ത്യൻ ഭാഷാ ചിത്രങ്ങളിൽ ‘പൂർണ്ണ’ എന്ന പേരിൽ മുൻനിര നായികയായി തിളങ്ങിയ താരമാണ് ഷംന കാസിം.
2022-ലായിരുന്നു പ്രമുഖ വ്യവസായിയായ ഷാനിദ് ആസിഫ് അലിയുമായുള്ള ഷംനയുടെ വിവാഹം. വിവാഹശേഷവും റിയാലിറ്റി ഷോകളിലും സോഷ്യൽ മീഡിയയിലും സജീവമായ താരം കുടുംബത്തോടൊപ്പം ദുബായിലാണ് നിലവിൽ താമസം.
Story Summary (English): Popular actress Tesni Khan shared adorable pictures on social media from her recent meeting with actress-dancer Shamna Kasim and her children, Hamdan and Du Wa. Sharing the pictures, Tesni wrote, “When me and my Shamna met. Along with Du Wa and Hamdan.” Shamna Kasim, who is well-known across South Indian cinema, married businessman Shanid Asif Ali in 2022.
