തിരുവനന്തപുരം: നിയമസഭാംഗമായി സത്യപ്രതിജ്ഞ ചെയ്യുന്നതിന് മുന്നോടിയായി താൻ തിരുവനന്തപുരത്തേക്ക് നടത്തുന്നത് സ്വീകരണ യാത്ര അല്ലെന്ന് ചാണ്ടി ഉമ്മൻ. സത്യപ്രതിജ്ഞയ്ക്ക് മുൻപായി പിതാവ് ഉമ്മൻ ചാണ്ടിയുടെ കല്ലറ സന്ദർശിച്ച് പ്രാർത്ഥിക്കാനാണ് താൻ എത്തിയത്. എന്നാൽ മാധ്യമങ്ങൾ ഇതിനെ മറ്റൊരു രീതിയിൽ വ്യാഖ്യാനിച്ച് തെറ്റിദ്ധാരണ പരത്തുകയാണെന്ന് അദ്ദേഹം കൂട്ടിച്ചേർത്തു.(Chandy Oommen Omission From Kerala Cabinet Triggers Protests KPCC Flex Boards Appear)
തന്നെ സ്നേഹിക്കുന്ന ധാരാളം ആളുകളുണ്ട്. സത്യപ്രതിജ്ഞാ ചടങ്ങിൽ പങ്കെടുക്കാൻ ആഗ്രഹിക്കുന്ന ജനങ്ങളെ താൻ തടയില്ല. യാത്രാമധ്യേ തന്നെ കാണാൻ വരുന്ന പൊതുജനങ്ങളെ അഭിവാദ്യം ചെയ്യുക മാത്രമാണ് താൻ ചെയ്യുന്നത്. ജനങ്ങൾക്കൊപ്പം നിന്ന് അവർക്കായി ക്ഷേമപ്രവർത്തനങ്ങൾ നടത്താൻ തനിക്ക് മന്ത്രിസ്ഥാനം വേണമെന്നത് ഒരു അത്യാവശ്യ കാര്യമല്ലെന്നും അദ്ദേഹം വ്യക്തമാക്കി.
പാർട്ടി ഏത് തീരുമാനമെടുത്താലും അതിനെ പൂർണ്ണമനസ്സോടെ സ്വാഗതം ചെയ്യുമെന്നും തനിക്ക് ഒരന്യായവും സംഭവിച്ചിട്ടില്ലെന്നും ചാണ്ടി ഉമ്മൻ കൂട്ടിച്ചേർത്തു. തനിക്ക് 53,000-ത്തിലധികം വോട്ടുകൾ നൽകി വിജയിപ്പിച്ച ജനങ്ങൾ തന്നോടൊപ്പം കല്ലറയിലേക്ക് വരുന്നതിനെ ആർക്കും തെറ്റുപറയാനാകില്ലെന്നും അദ്ദേഹം പറഞ്ഞു. അതേസമയം, ചാണ്ടി ഉമ്മനെ അവസാന നിമിഷത്തെ ഗ്രൂപ്പ് സമവാക്യങ്ങളെ തുടർന്ന് ഒഴിവാക്കിയതിൽ കോൺഗ്രസ് അണികൾക്കിടയിൽ കടുത്ത അതൃപ്തി പുകയുകയാണ്.
Story Summary
Puthuppally MLA Chandy Oommen clarified that his journey to Thiruvananthapuram is to visit his father’s grave and not a political show of strength following his cabinet omission. Meanwhile, massive flex boards reading “Let Chandy Lead KPCC” have appeared in the state capital amid worker resentment.
