കോഴിക്കോട്: സൗദി അറേബ്യയിലെ റിയാദ് ജയിലിൽ കഴിഞ്ഞിരുന്ന കോഴിക്കോട് സ്വദേശി അബ്ദുൽ റഹീം വൈകാതെ മോചിതനാകും. മോചനത്തിനായുള്ള അവസാനഘട്ട നടപടികളും പേപ്പർ വർക്കുകളും പുരോഗമിക്കുകയാണെന്നും, മെയ് 19-ഓടെ നടപടികൾ പൂർത്തിയാക്കി അദ്ദേഹം പുറത്തിറങ്ങുമെന്നും ആക്ഷൻ കൗൺസിൽ അറിയിച്ചു.(Abdul Rahim Release From Saudi Prison Expected Soon)
മെയ് 20-ന് റഹീം നാട്ടിലെത്തുമെന്നാണ് കുടുംബവും ആക്ഷൻ കൗൺസിലും പ്രതീക്ഷിക്കുന്നത്. 2006 നവംബറിലാണ് സൗദി ബാലന്റെ മരണവുമായി ബന്ധപ്പെട്ട കേസിൽ അബ്ദുൽ റഹീം അറസ്റ്റിലായത്. ദീർഘകാലത്തെ നിയമപോരാട്ടങ്ങൾക്കൊടുവിൽ 2012-ൽ കോടതി അദ്ദേഹത്തിന് വധശിക്ഷ വിധിച്ചിരുന്നു.
പിന്നീട്, വലിയൊരു ജനകീയ കൂട്ടായ്മയിലൂടെ ഒന്നരക്കോടി സൗദി റിയാൽ ദിയാധനമായി സമാഹരിച്ചു നൽകിയതിനെത്തുടർന്നാണ് വധശിക്ഷ ഒഴിവാക്കിക്കൊണ്ട് കോടതി ഉത്തരവിട്ടത്. വർഷങ്ങൾ നീണ്ട പ്രാർത്ഥനകൾക്കും പരിശ്രമങ്ങൾക്കും ശേഷം അബ്ദുൽ റഹീം സ്വന്തം നാട്ടിലേക്ക് തിരിച്ചെത്തുന്നത് വലിയൊരു ആശ്വാസമായാണ് കാണുന്നത്.
Story Summary
Abdul Rahim, a native of Kozhikode who has been imprisoned in Riyadh, Saudi Arabia, is expected to be released by May 19 following the completion of final legal procedures. After being sentenced to death in 2012 in connection with the death of a Saudi boy, he was saved through the payment of blood money (Diyya) raised by a massive public campaign. He is expected to return home by May 20.
