കാൻ: 2026-ലെ കാൻ ഫിലിം ഫെസ്റ്റിവലിന്റെ രണ്ടാം ദിനത്തിൽ ഇന്ത്യൻ വസ്ത്രധാരണ രീതിയെ ആഗോള വേദിയിൽ മനോഹരമായി അവതരിപ്പിച്ച് ആലിയ ഭട്ട്. സാരിയുടെ സിലൗട്ടിൽ നിന്ന് പ്രചോദനം ഉൾക്കൊണ്ട് തയ്യാറാക്കിയ ഐവറി നിറത്തിലുള്ള ഗൗണിലാണ് താരം ഇത്തവണ എത്തിയത്. കൂടെ അണിഞ്ഞ മൂക്കുത്തിയും കയ്യിലേന്തിയ ലേസ് കുടയും ലുക്കിന് കൂടുതൽ ചാരുത നൽകി. (Alia Bhatt Cannes Day 2)
പരമ്പരാഗത ഇന്ത്യൻ കരകൗശല വിദ്യയും വിന്റേജ് ഗ്ലാമറും ഒത്തുചേർന്നതായിരുന്നു ആലിയയുടെ വേഷം. കോർസെറ്റ് മോഡലിലുള്ള ബോഡിസും പ്ലീറ്റുകളുള്ള ഡ്രേപ്പുകളും ചേർന്ന ഗൗൺ ഒരു സാരിയുടെ അനുഭവം നൽകി. കാനിലെ ഭാരത് പവലിയൻ സംവിധായകൻ അശുതോഷ് ഗോവാരിക്കർക്കൊപ്പം ആലിയ ഉദ്ഘാടനം ചെയ്തു. കാനിലെ ഉദ്ഘാടന ചടങ്ങിൽ തമര റാൽഫ് ഡിസൈൻ ചെയ്ത ബ്ലഷ്-ടോൺ ഗൗണിലാണ് ആലിയ എത്തിയത്. 168.27 കാരറ്റ് പിങ്ക് കോറൽ നെക്ലേസ് ഉൾപ്പെടെയുള്ള വിലപിടിപ്പുള്ള ആഭരണങ്ങൾ അന്ന് ശ്രദ്ധിക്കപ്പെട്ടിരുന്നു.
വിന്റേജ് ലുക്കിനൊപ്പം ആധുനികമായ ഫാഷൻ സങ്കൽപ്പങ്ങളും ചേർത്തുവെച്ച ആലിയയുടെ കാൻ ലുക്കുകൾ ഇതിനകം സോഷ്യൽ മീഡിയയിൽ തരംഗമായിക്കഴിഞ്ഞു.
Summary: Alia Bhatt stunned on Day 2 of the Cannes Film Festival 2026 in a saree-inspired ivory gown paired with a nose ring and a lace umbrella. Blending Indian craftsmanship with vintage charm, she also inaugurated the Bharat Pavilion alongside Ashutosh Gowariker. Her previous red carpet appearance featured a couture blush gown by Tamara Ralph.
