ലഖ്നൗ: സമാജ്വാദി പാർട്ടി സ്ഥാപകൻ മുലായം സിംഗ് യാദവിന്റെ മകൻ പ്രതീക് യാദവ് (38) അന്തരിച്ചു. ബുധനാഴ്ച രാവിലെ ലഖ്നൗവിലെ സിവിൽ ആശുപത്രിയിൽ എത്തിക്കുമ്പോഴേക്കും അദ്ദേഹം മരിച്ചിരുന്നു. ശ്വാസകോശ സംബന്ധമായ അസുഖത്തെ തുടർന്ന് ഏറെക്കാലമായി ചികിത്സയിലായിരുന്നു അദ്ദേഹം. ശ്വാസകോശത്തിലെ രക്തം കട്ടപിടിക്കുന്ന അവസ്ഥയെത്തുടർന്ന് ബുധനാഴ്ച പുലർച്ചെ ആരോഗ്യനില വഷളാവുകയും തുടർന്ന് കുടുംബാംഗങ്ങൾ ആശുപത്രിയിൽ എത്തിക്കുകയുമായിരുന്നു.(Prateek Yadav Son Of Mulayam Singh Yadav Passes Away At 38)
ബി.ജെ.പി നേതാവ് അപർണ്ണ യാദവാണ് അദ്ദേഹത്തിൻ്റെ ഭാര്യ. അഖിലേഷ് യാദവിന്റെ അർദ്ധസഹോദരനാണ് പ്രതീക്. ഭൗതിക ശരീരം പോസ്റ്റ്മോർട്ടത്തിനായി കിംഗ് ജോർജ് മെഡിക്കൽ സർവകലാശാലയിലേക്ക് മാറ്റി. യുകെയിലെ ലീഡ്സ് സർവകലാശാലയിൽ നിന്ന് എം.ബി.എ ബിരുദം നേടിയ പ്രതീക് യാദവ്, ലഖ്നൗവിലെ അറിയപ്പെടുന്ന റിയൽ എസ്റ്റേറ്റ് ഡെവലപ്പറും ഫിറ്റ്നസ് പ്രേമിയുമായിരുന്നു.
Story Summary
Prateek Yadav, the 38-year-old son of late Samajwadi Party founder Mulayam Singh Yadav, passed away in Lucknow due to long-standing lung-related health complications. Known as a real estate developer and fitness enthusiast, he kept away from active politics, unlike other prominent members of his family.
