മലയാള സിനിമയുടെ വിദേശ വിപണിയിൽ പുതിയ റെക്കോർഡുകൾ കുറിച്ചുകൊണ്ട് മോഹൻലാൽ ചിത്രം ‘ദൃശ്യം 3’-ന്റെ (Drishyam 3) യുകെയിലെ അഡ്വാൻസ് ബുക്കിംഗ് ആരംഭിച്ചു. സിനിമ റിലീസ് ചെയ്യാൻ നാല് ആഴ്ചകൾ ബാക്കിനിൽക്കെ ബുക്കിംഗ് ഓപ്പൺ ചെയ്ത വിതരണക്കാരായ ആർ.എഫ്.ടി ഫിലിംസ് (RFT Films) മലയാള സിനിമാ ചരിത്രത്തിലെ തന്നെ ഏറ്റവും വലിയ പ്രീ-റിലീസ് ഹൈപ്പാണ് സൃഷ്ടിച്ചിരിക്കുന്നത്.
യുകെയിലെ പ്രമുഖ തിയേറ്റർ ശൃംഖലകളായ സിനിവേൾഡ് (Cineworld), ഓഡിയോൺ (Odeon), വ്യൂ സിനിമാസ് (Vue Cinemas) എന്നിവിടങ്ങളിൽ ഇതിനോടകം ബുക്കിംഗ് തകൃതിയായി നടക്കുകയാണ്. ഒരു മലയാള ചിത്രത്തിന് റിലീസിന് ഇത്രയും മുൻകൂട്ടി ടിക്കറ്റ് വിൽപന ആരംഭിക്കുന്നത് ഇതാദ്യമായാണ്.
2026 മെയ് 21നാണ് ചിത്രം റിലീസ് ചെയ്യുന്നത്. ആർ.എഫ്.ടി ഫിലിംസ് (സി.ഇ.ഒ: റൊണാൾഡ് തൊണ്ടിക്കൽ) ആണ് ചിത്രത്തിന്റെ വിതരണം.ജിത്തു ജോസഫ് സംവിധാനം ചെയ്യുന്ന ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്.
മോഹൻലാലിനൊപ്പം മീന, അൻസിബ ഹസ്സൻ, എസ്തർ അനിൽ എന്നിവർ തങ്ങളുടെ പഴയ വേഷങ്ങളിൽ തിരിച്ചെത്തുന്നു.
രണ്ടാം ഭാഗത്തിലെ ഉദ്വേഗജനകമായ സംഭവങ്ങൾക്ക് നാലര വർഷങ്ങൾക്ക് ശേഷമുള്ള ജോർജുകുട്ടിയുടെയും കുടുംബത്തിന്റെയും ജീവിതമാണ് മൂന്നാം ഭാഗത്തിന്റെ പ്രമേയം. വരും ദിവസങ്ങളിൽ യുകെയിലെ കൂടുതൽ കേന്ദ്രങ്ങളിൽ ബുക്കിംഗ് ലഭ്യമാകുമെന്ന് വിതരണക്കാർ അറിയിച്ചിട്ടുണ്ട്.
Story Summary: The UK advance booking for Mohanlal’s highly anticipated film Drishyam 3 has opened four weeks ahead of its release, marking a historic milestone for Malayalam cinema. Distributed by RFT Films, the Jeethu Joseph directorial is set to hit UK screens on May 21, 2026, amid massive fan excitement.
