കൊച്ചി: മലയാളികളുടെ സ്വകാര്യ അഹങ്കാരമായ വിശ്വനടൻ മോഹൻലാലിന് ഇന്ന് അറുപത്തിയാറാം ജന്മദിനം. വ്യക്തിജീവിതത്തിൽ മാത്രമല്ല, താരത്തിന്റെ അഭിനയജീവിതത്തിലും ഏറ്റവും നിർണായകമായ ഒരു ദിവസമാണിന്ന്. ഇന്ത്യൻ സിനിമയിലെ തന്നെ ഏറ്റവും വലിയ ത്രില്ലർ ഫ്രാഞ്ചൈസികളിലൊന്നായ ദൃശ്യത്തിന്റെ മൂന്നാം ഭാഗം മോഹൻലാലിന്റെ പിറന്നാൾ ദിനമായ ഇന്ന് ലോകമെമ്പാടുമുള്ള തീയേറ്ററുകളിൽ റിലീസ് ചെയ്തിരിക്കുകയാണ്.(Mammootty Wishes Mohanlal On His Birthday As Drishyam Three Hits Theaters)
ലാലേട്ടന്റെ പിറന്നാൾ ദിനത്തിൽ സിനിമാ പ്രേമികൾ എപ്പോഴും കാത്തിരിക്കുന്നത് മലയാളത്തിന്റെ മറ്റൊരു മഹാനടൻ മമ്മൂട്ടിയുടെ ആശംസയ്ക്കായിട്ടാണ്. പതിവുതെറ്റിക്കാതെ തന്റെ പ്രിയപ്പെട്ട ‘ലാലിന്’ ഹൃദയം നിറഞ്ഞ ജന്മദിനാശംസകൾ നേർന്ന് മമ്മൂട്ടി സോഷ്യൽ മീഡിയയിൽ കുറിപ്പ് പങ്കുവെച്ചു. “പ്രിയപ്പെട്ട ലാലിന് ഹൃദയം നിറഞ്ഞ ജന്മദിനാശംസകൾ” എന്നാണ് മമ്മൂട്ടി കുറിച്ചത്.
സോഷ്യൽ മീഡിയ ഒന്നടങ്കം ഇപ്പോൾ ലാലേട്ടന് ആശംസകൾ നേർന്നുകൊണ്ടുള്ള പോസ്റ്റുകൾ കൊണ്ട് നിറയുകയാണ്. അതേസമയം, ആരാധകർക്ക് സർപ്രൈസ് നൽകിക്കൊണ്ട് ദൃശ്യം 3-യുടെ ആദ്യ ഷോ കാണാൻ മോഹൻലാൽ നേരിട്ടെത്തി. കൊച്ചിയിലെ പ്രശസ്തമായ കവിത തീയേറ്ററിലാണ് ആരാധകരുടെ വൻ ജനസാഗരത്തെ സാക്ഷിനിർത്തി മോഹൻലാൽ എത്തിയത്. അദ്ദേഹത്തോടൊപ്പം ഭാര്യ സുചിത്രയും ഉണ്ടായിരുന്നു.
Story Summary
On the occasion of superstar Mohanlal’s 66th birthday, megastar Mammootty extended his heartfelt wishes on social media, adding to the state-wide celebrations. Meanwhile, Mohanlal along with his wife Suchitra and producer Antony Perumbavoor visited Kavitha Theater in Kochi to watch the first show of the highly anticipated movie ‘Drishyam 3’ with fans.
