ന്യൂഡൽഹി: സഞ്ജു സാംസൺ എന്ന ‘മാച്ച് വിന്നറെ’ ചെന്നൈ എത്രത്തോളം വിശ്വസിക്കുന്നു എന്നതിന്റെ തെളിവാണ് മത്സരത്തിന് ശേഷം നായകൻ ഋതുരാജ് ഗെയ്ക്വാദ് നൽകിയ പ്രതികരണം. സഞ്ജു ടീമിൻ്റെ “നട്ടെല്ല്” ആണെന്നാണ് ഋതുരാജ് വിശേഷിപ്പിച്ചത്.(Sanju Samson CSK vs DC IPL 2026 Ruturaj Gaikwad Backbone Comment)
157 റൺസ് വിജയലക്ഷ്യവുമായി ഇറങ്ങിയ ചെന്നൈയ്ക്ക് വേണ്ടി സഞ്ജു സാംസൺ പുറത്താകാതെ 87 റൺസ് നേടി. മത്സരത്തിലുടനീളം ഡൽഹി ബൗളർമാരെ സമ്മർദ്ദത്തിലാഴ്ത്തിയ സഞ്ജു, പ്ലേ ഓഫ് പോരാട്ടത്തിൽ ചെന്നൈയുടെ പ്രതീക്ഷകൾക്ക് ജീവൻ നൽകി. ഈ സീസണിൽ സഞ്ജു 40 റൺസിന് മുകളിൽ സ്കോർ ചെയ്ത എല്ലാ മത്സരങ്ങളിലും ചെന്നൈ വിജയിച്ചിട്ടുണ്ട്. ടി20 ലോകകപ്പിലെ പ്ലെയർ ഓഫ് ദി ടൂർണമെന്റ് പുരസ്കാരം നേടിയ അതേ ഫോം അദ്ദേഹം ചെന്നൈ ജേഴ്സിയിലും തുടരുകയാണ്.
“ബാറ്റിംഗിൽ സഞ്ജുവിനെ ടീമിൽ ലഭിച്ചതിൽ വലിയ നന്ദിയുണ്ട്. അദ്ദേഹം ഇപ്പോൾ ടീമിന്റെ നട്ടെല്ലാണ്. എങ്കിലും ബൗളിംഗാണ് ടൂർണമെന്റുകൾ ജയിപ്പിക്കുന്നത്. അക്കീൽ ഹൊസൈനും ജാമി ഓവർട്ടണും ആ ജോലി ഭംഗിയായി ചെയ്യുന്നു,” ഋതുരാജ് ഗെയ്ക്വാദ് പറഞ്ഞു. ആദ്യം ബാറ്റ് ചെയ്ത ഡൽഹി ക്യാപിറ്റൽസിന് 156 റൺസ് മാത്രമാണ് എടുക്കാനായത്. അക്കീൽ ഹൊസൈനും ജാമി ഓവർട്ടണും മധ്യ ഓവറുകളിൽ ഡൽഹിയുടെ റൺറേറ്റ് പിടിച്ചുകെട്ടി. മറുപടി ബാറ്റിംഗിൽ സഞ്ജു സാംസന്റെ തകർപ്പൻ ഇന്നിംഗ്സ് ചെന്നൈയെ അനായാസം വിജയത്തിലെത്തിച്ചു. ഇതോടെ 10 മത്സരങ്ങളിൽ നിന്ന് 10 പോയിന്റോടെ ചെന്നൈ പ്ലേ ഓഫ് റേസിൽ ശക്തമായി തിരിച്ചെത്തി.
Story Summary
Sanju Samson’s unbeaten 87 powered Chennai Super Kings to an 8-wicket win over Delhi Capitals in IPL 2026. Following the victory, Captain Ruturaj Gaikwad hailed Samson as the team’s “backbone.” CSK now has 10 points from 10 matches, keeping their playoff hopes firmly alive.
