ചെന്നൈ: തമിഴ്നാട്ടിൽ പുതിയ സർക്കാർ രൂപീകരിക്കുന്നതിനുള്ള നിർണ്ണായക നീക്കങ്ങളുമായി വിജയ്. ഇന്ന് ഉച്ചയ്ക്ക് പനയൂരിലെ പാർട്ടി ഓഫീസിലെത്തുന്ന വിജയ് തുടർന്ന് ഗവർണർ രാജേന്ദ്ര അർലേക്കറുമായി കൂടിക്കാഴ്ച നടത്തും. സഖ്യകക്ഷികളുടെ പിന്തുണയോടെ സർക്കാർ രൂപീകരിക്കാൻ അവകാശവാദം ഉന്നയിക്കാനാണ് നീക്കം.(Tamil Nadu Government Formation Vijay TVK Congress AIADMK Alliance Talks)
ടിവികെയെ പിന്തുണയ്ക്കാൻ കോൺഗ്രസ് സന്നദ്ധത അറിയിച്ചിട്ടുണ്ടെങ്കിലും കർശനമായ ഉപാധികളാണ് മുന്നോട്ടുവെച്ചിരിക്കുന്നത്. ബിജെപിയുടെയോ എൻഡിഎ സഖ്യകക്ഷികളുടെയോ പിന്തുണ ടിവികെ തേടാൻ പാടില്ല എന്നതാണ് പ്രധാന നിബന്ധന. ഇതിനിടെ സിപിഐ, സിപിഎം എന്നീ പാർട്ടികളുമായും വിജയ് ആശയവിനിമയം നടത്തിയിട്ടുണ്ട്.
വിജയ്യെ പിന്തുണച്ച് പ്രസക്തി നിലനിർത്തണമെന്ന് എഐഎഡിഎംകെയിലെ രണ്ടാം നിര നേതാക്കൾ ആവശ്യപ്പെടുന്നുണ്ടെങ്കിലും മുതിർന്ന നേതാക്കൾ ഇതിനെ എതിർക്കുകയാണ്. ബിജെപിയുമായുള്ള ബന്ധം തങ്ങളെ ബാധിക്കുമെന്ന ആശങ്കയിലാണ് ടിവികെ ക്യാമ്പ്. മതേതര പ്രതിച്ഛായ കാത്തുസൂക്ഷിക്കാൻ കോൺഗ്രസ്-ഇടതുപക്ഷ സഖ്യമാണ് വിജയ് ആഗ്രഹിക്കുന്നത്. ഗവർണറുമായുള്ള കൂടിക്കാഴ്ചയ്ക്ക് ശേഷം തമിഴ് രാഷ്ട്രീയത്തിലെ പുതിയ സഖ്യ സമവാക്യങ്ങളിൽ വ്യക്തത വരുമെന്നാണ് കരുതുന്നത്.
Story Summary
TVK chief Vijay is set to meet the Governor today to stake his claim for government formation in Tamil Nadu. While Congress has offered conditional support to maintain a secular image, a section of AIADMK is also pushing for an alliance, leaving Vijay to choose between a slim secular majority or a stable but politically risky tie-up.
