ന്യൂഡൽഹി: പശ്ചിമ ബംഗാൾ, തമിഴ്നാട്, കേരളം, അസം, പുതുച്ചേരി നിയമസഭാ തിരഞ്ഞെടുപ്പുകളുടെ വോട്ടെണ്ണൽ ആരംഭിച്ചു. ആദ്യ സൂചനകൾ പ്രകാരം പലയിടത്തും ശക്തമായ മത്സരമാണ് നടക്കുന്നത് (Assembly Election Results 2026).
കേരളം: ആദ്യ ഘട്ടത്തിൽ കേരളത്തിൽ പ്രതിപക്ഷമായ യുഡിഎഫ് ലീഡ് ചെയ്ത് മുന്നേറുകയാണ്. ഭരണകക്ഷിയായ എൽഡിഎഫ് തൊട്ടു പിന്നിലാണ്. ബിജെപി 4 സീറ്റിലും ലീഡ് ചെയ്യുന്നുണ്ട്. തപാൽ വോട്ടുകൾ എണ്ണിത്തുടങ്ങിയപ്പോഴുള്ള വിവരങ്ങളാണിവ.
പശ്ചിമ ബംഗാൾ: ബംഗാളിൽ വലിയ അട്ടിമറി സൂചനകളാണ് പുറത്തുവരുന്നത്. ആദ്യഘട്ടത്തിൽ ബിജെപി 11 സീറ്റുകളിൽ ലീഡ് ചെയ്യുമ്പോൾ മമതാ ബാനർജിയുടെ തൃണമൂൽ കോൺഗ്രസ് 2 സീറ്റുകളിൽ മാത്രമാണ് മുന്നിലുള്ളത്. സംസ്ഥാനത്ത് ഉടനീളം കനത്ത സുരക്ഷയാണ് ഏർപ്പെടുത്തിയിരിക്കുന്നത്.
തമിഴ്നാട്: തമിഴ്നാട്ടിൽ ഭരണകക്ഷിയായ ഡിഎംകെയും നടൻ വിജയ്യുടെ പാർട്ടിയായ തമിഴക വെട്രി കഴകവും (TVK) ഓരോ സീറ്റുകളിൽ വീതം ലീഡ് ചെയ്ത് അക്കൗണ്ട് തുറന്നു. അണ്ണാഡിഎംകെയും ശക്തമായ പോരാട്ടം കാഴ്ചവെക്കുന്നുണ്ട്.
അസം: അസമിൽ ബിജെപി സഖ്യം വ്യക്തമായ മുൻതൂക്കം നേടുകയാണ്. നിലവിൽ 11 സീറ്റുകളിൽ ബിജെപി മുന്നേറുന്നു.
Story Summary: The counting of votes for assembly elections in five states, including Kerala and West Bengal, has begun. Early trends show the UDF leading in Kerala, BJP ahead in West Bengal and Assam, while the DMK and Vijay’s TVK open their accounts in Tamil Nadu.
