വെഞ്ഞാറമൂട്: തിരുവനന്തപുരം വെഞ്ഞാറമൂട് വെള്ളാണിക്കലിൽ യുവാവിനെയും യുവതിയെയും തൂങ്ങിമരിച്ച നിലയിൽ കണ്ടെത്തി (Venjaramoodu News). പാറമുകളിലെ വിജനമായ റബ്ബർ തോട്ടത്തിലാണ് മൃതദേഹങ്ങൾ കണ്ടെത്തിയത്. വെള്ളനാട് മിത്രാനികേതൻ സ്വദേശി ഷിബിൻ (35), അശ്വതി (32) എന്നിവരാണ് മരിച്ചത്.
ഇരുവരുടെയും കൈകൾ തമ്മിൽ കൂട്ടിക്കെട്ടിയ നിലയിലാണ് മൃതദേഹങ്ങൾ കണ്ടെത്തിയത്. വെള്ളിയാഴ്ച രാവിലെ തോട്ടത്തിൽ ജോലിക്ക് എത്തിയവരാണ് മൃതദേഹങ്ങൾ ആദ്യം കണ്ടത്. തുടർന്ന് പോലീസിൽ വിവരമറിയിക്കുകയായിരുന്നു. ഷിബിനെയും അശ്വതിയെയും കഴിഞ്ഞ ദിവസങ്ങളിൽ കാണാതായിരുന്നു. ഇതുസംബന്ധിച്ച് ബന്ധുക്കൾ നേരത്തെ പോലീസിൽ പരാതി നൽകിയിരുന്നു.
വെഞ്ഞാറമൂട് പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. ഇരുവരും തമ്മിൽ നേരത്തെ പരിചയമുണ്ടായിരുന്നതായാണ് സൂചന. ആത്മഹത്യയാണെന്നാണ് പ്രാഥമിക നിഗമനമെങ്കിലും മരണത്തിൽ മറ്റ് ദുരൂഹതകളുണ്ടോ എന്ന് പോലീസ് അന്വേഷിക്കുന്നുണ്ട്. മൃതദേഹങ്ങൾ പോസ്റ്റ്മോർട്ടത്തിനായി മെഡിക്കൽ കോളേജ് ആശുപത്രിയിലേക്ക് മാറ്റി.
Story Summary: A 35-year-old man named Shibin and a 32-year-old woman named Ashwathy, both from Vellanad, were found dead in a rubber plantation at Vellanikkal, Venjaramoodu. Their hands were tied together and the bodies were found hanging. Missing complaints had been filed earlier by their families. Police have registered a case and started an investigation.
