മലയാള സിനിമയിലെ സൂപ്പർ ഹിറ്റ് ജോഡികളായ പൃഥ്വിരാജ് സുകുമാരനും പാർവതി തിരുവോത്തും ‘എന്ന് നിന്റെ മൊയ്തീൻ’, ‘കൂടെ’ എന്നീ ചിത്രങ്ങൾക്ക് ശേഷം വീണ്ടും ഒന്നിക്കുന്ന ‘ഐ, നോബഡി’ (I, Nobody) എന്ന ചിത്രത്തിന്റെ ടീസർ മെയ് ഒന്നിന് പുറത്തിറങ്ങും. ‘റോഷാക്കി’ന് ശേഷം നിസാം ബഷീർ സംവിധാനം ചെയ്യുന്ന ഈ ചിത്രം ഏറെ പ്രതീക്ഷയോടെയാണ് സിനിമാ ലോകം കാത്തിരിക്കുന്നത്.
മമ്മൂട്ടി, മോഹൻലാൽ, ഫഹദ് ഫാസിൽ, കുഞ്ചാക്കോ ബോബൻ എന്നിവർ അണിനിരക്കുന്ന മഹേഷ് നാരായണൻ ചിത്രം ‘പാട്രിയോട്ട്’ റിലീസ് ചെയ്യുന്ന മെയ് ഒന്നിന് തന്നെയാണ് ഐ, നോബഡിയുടെ ടീസറും എത്തുന്നത്. തിരഞ്ഞെടുക്കപ്പെട്ട 600-ൽ അധികം തീയേറ്ററുകളിൽ പാട്രിയോട്ടിന്റെ പ്രദർശനത്തിനിടയിൽ ടീസർ കാണാൻ സാധിക്കും. അതോടൊപ്പം തന്നെ സോഷ്യൽ മീഡിയ പ്ലാറ്റ്ഫോമുകളിലും ടീസർ റിലീസ് ചെയ്യും.
സോഷ്യോ-പൊളിറ്റിക്കൽ ഡാർക്ക് ഹ്യൂമർ ഴോണറിൽ ഒരുങ്ങുന്ന ഈ ചിത്രം മലയാളത്തിൽ ഇതുവരെ കാണാത്ത മേക്കിംഗ് ശൈലിയിലുള്ളതാണെന്നാണ് റിപ്പോർട്ടുകൾ. പൃഥ്വിരാജ് പ്രൊഡക്ഷൻസും ഇ4 എന്റർടൈൻമെന്റും ചേർന്ന് നിർമ്മിക്കുന്ന ചിത്രത്തിന് സമീർ അബ്ദുല്ലാണ് തിരക്കഥ ഒരുക്കുന്നത്. ജേക്സ് ബിജോയ് ആണ് സംഗീതം. ഹക്കിം ഷാജഹാനും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. ജൂലൈ മാസത്തിൽ ചിത്രം ആഗോളതലത്തിൽ തിയേറ്ററുകളിലെത്തും.
Story Summary: The teaser for the much-anticipated movie ‘I, Nobody’, starring Prithviraj Sukumaran and Parvathy Thiruvothu, will be released on May 1st alongside the multi-starrer film ‘Patriot’. Directed by Nizam Basheer and produced by Supriya Menon, this socio-political dark humor film is set for a global release in July.
