ബെയ്റൂട്ട്: വെടിനിർത്തൽ കരാർ നിലനിൽക്കെ ലബനനിൽ ഇസ്രായേൽ നടത്തിയ വ്യോമാക്രമണങ്ങളിൽ 14 പേർ കൊല്ലപ്പെട്ടു (Israeli Strikes Lebanon 14 Killed). രണ്ട് സ്ത്രീകളും രണ്ട് കുട്ടികളും മരിച്ചവരിൽ ഉൾപ്പെടുന്നു. ആക്രമണത്തിൽ 37 പേർക്ക് പരിക്കേറ്റതായും ലബനൻ ആരോഗ്യ മന്ത്രാലയം അറിയിച്ചു. ഇസ്രായേൽ സൈന്യം നിലവിൽ കൈവശപ്പെടുത്തിയിരിക്കുന്ന ‘ബഫർ സോണിന്’ പുറത്തുള്ള ഏഴ് നഗരങ്ങളിൽ നിന്ന് ഉടൻ ഒഴിഞ്ഞുപോകാമെന്ന് ജനങ്ങൾക്ക് ഇസ്രായേൽ മുന്നറിയിപ്പ് നൽകി.
ഏപ്രിൽ 16-ന് ആരംഭിച്ച വെടിനിർത്തൽ കരാർ മെയ് പകുതി വരെ നീട്ടിയിട്ടുണ്ടെങ്കിലും ഇരുവിഭാഗവും ആക്രമണം തുടരുകയാണ്. ഹിസ്ബുള്ള കരാർ ലംഘിക്കുന്നുവെന്നും ആയുധപ്പുരകളും ലോഞ്ചറുകളും ലക്ഷ്യമിട്ടാണ് തങ്ങൾ ആക്രമണം നടത്തുന്നതെന്നും ഇസ്രായേൽ അവകാശപ്പെട്ടു. ലബനനിലെ ഇസ്രായേൽ സൈനികർക്ക് നേരെ ഹിസ്ബുള്ള നടത്തിയ ആക്രമണത്തിൽ ഒരു ഇസ്രായേൽ സൈനികൻ കൊല്ലപ്പെടുകയും ആറ് പേർക്ക് പരിക്കേൽക്കുകയും ചെയ്തു. ഇസ്രായേൽ ആക്രമണം നിർത്തുന്നത് വരെ പോരാട്ടം തുടരുമെന്ന് ഇറാൻ പിന്തുണയുള്ള ഹിസ്ബുള്ള വ്യക്തമാക്കി.
ഇസ്രായേലിന്റെ സുരക്ഷയാണ് തങ്ങൾക്ക് പ്രധാനമെന്നും അമേരിക്കയുമായി ഉണ്ടാക്കിയ ധാരണകൾക്കനുസൃതമായി ശക്തമായ നടപടികൾ തുടരുമെന്നും പ്രധാനമന്ത്രി ബെഞ്ചമിൻ നെതന്യാഹു പറഞ്ഞു. മാർച്ച് 2-ന് യുദ്ധം ആരംഭിച്ചതിന് ശേഷം ഇസ്രായേൽ ആക്രമണങ്ങളിൽ ലബനനിൽ ഇതുവരെ 2,500-ലധികം പേർ കൊല്ലപ്പെട്ടു. ഇതിൽ 177 കുട്ടികളും 277 സ്ത്രീകളും ഉൾപ്പെടുന്നു. ഇതേ കാലയളവിൽ 16 ഇസ്രായേൽ സൈനികരും കൊല്ലപ്പെട്ടിട്ടുണ്ട്. ലിറ്റാനി നദിക്ക് വടക്കുള്ള നഗരങ്ങളിൽ വരും ദിവസങ്ങളിലും ഇസ്രായേൽ ആക്രമണം ശക്തമാക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.
Summary: Israeli strikes in Lebanon killed 14 people, including women and children, on Sunday, as the military warned residents of seven towns beyond the ‘buffer zone’ to evacuate. Despite a US-mediated ceasefire extended until mid-May, hostilities persist, with both Israel and Hezbollah trading blame for violations. One Israeli soldier was killed and six wounded in a Hezbollah attack. Since the conflict escalated on March 2, over 2,500 people have died in Lebanon, while 16 Israeli soldiers have lost their lives.
