മുംബൈ: വ്യവസായിയായ കേതൻ അഗർവാളിനെ ലോഹഗഡ് കോട്ടയിൽ നിന്ന് തള്ളിയിട്ടു കൊലപ്പെടുത്തിയ സംഭവത്തിൽ പ്രതികളായ ചേതൻ ചൗധരിയും സിയാ ഗോയലും നടത്തിയ കൃത്യമായ ആസൂത്രണത്തിന്റെ വിവരങ്ങൾ പുറത്ത് (Ketan Agarwal Murder Case). വിവാഹത്തിൽ നിന്ന് ഒഴിവാകാൻ കാമുകൻ ചേതനുമായി ചേർന്ന് സിയാ ആസൂത്രണം ചെയ്ത കൊലപാതകത്തിന്റെ പത്ത് മണിക്കൂർ നീണ്ട ‘ഗോസ്റ്റ് സ്ട്രാറ്റജി’ അന്വേഷണ സംഘം കണ്ടെത്തി.
കൊലപാതകത്തിന്റെ ടൈംലൈൻ:
രാവിലെ 7 മണി (ഡിജിറ്റൽ ബ്ലാക്ക്ഔട്ട്): കുറ്റകൃത്യ സ്ഥലത്തേക്കുള്ള യാത്രാമധ്യേ മൊബൈൽ ഡാറ്റ ഓഫ് ചെയ്ത് ചേതൻ തന്റെ ഡിജിറ്റൽ സാന്നിധ്യം മറച്ചു. ജിപിഎസ് ട്രാക്കിംഗ് ഒഴിവാക്കാനായിരുന്നു ഈ നീക്കം.
രാവിലെ 8 മണി (തെറ്റായ അലിബി): താൻ കടയിൽ തന്നെയുണ്ടെന്ന് വരുത്തിത്തീർക്കാൻ സ്വന്തം ഫോൺ കടയിൽ ഉപേക്ഷിച്ചു. പകരം ഫോൺ എടുക്കാൻ ജീവനക്കാരോട് നിർദ്ദേശിച്ചു.
ഉച്ചയ്ക്ക്: ഡിജിറ്റൽ നിരീക്ഷണത്തിൽപ്പെടാതിരിക്കാൻ മറ്റൊരു ജീവനക്കാരന്റെ ഫോൺ ഉപയോഗിച്ചാണ് ചേതൻ ലോഹഗഡ് കോട്ടയിലേക്ക് യാത്ര ചെയ്തത്.
ഉച്ചയ്ക്ക് 2 മണി (ഹുഡി ബ്ലണ്ടർ): കൊട്ടയിലെ സുരക്ഷാ ക്യാമറകളിൽ നിന്ന് രക്ഷപ്പെടാൻ, കഠിനമായ ചൂടിലും കട്ടിയുള്ള വിന്റർ ഹൂഡി ധരിച്ചാണ് ചേതൻ കേതനെയും സിയയെയും പിന്തുടർന്നത്.
ഉച്ചയ്ക്ക് 2.30 മണി (സിഗ്നൽ): വിഞ്ചു കാട്ട റിഡ്ജിന് സമീപം സിയാ ഇരുന്നുകൊണ്ട് നൽകിയ സൂചനയെത്തുടർന്ന് ചേതൻ ഒളിസ്ഥലത്തുനിന്ന് പുറത്തുവരികയും കേതനെ 400 അടി താഴ്ചയിലേക്ക് തള്ളിയിടുകയുമായിരുന്നു.
വൈകിട്ട് 5.40 മണി: പത്ത് മണിക്കൂർ 40 മിനിറ്റിന് ശേഷം ചേതൻ ഇന്റർനെറ്റ് ഓൺ ചെയ്തു. എന്നാൽ, ഡിജിറ്റൽ ഗ്രിഡിന് പുറത്തായിരുന്ന ഈ നീണ്ട സമയം അന്വേഷണ സംഘത്തിന് സംശയമുണ്ടാക്കി.
ചേതൻ ധരിച്ച വിന്റർ ഹൂഡി സിസിടിവി ദൃശ്യങ്ങളിൽ പതിഞ്ഞതും,
കടയിൽ നിന്ന് മറ്റാരോ ഫോൺ എടുത്തുവെന്ന ജീവനക്കാരുടെ വെളിപ്പെടുത്തലും പ്രതികളെ കുടുക്കി. ജൂൺ 18-ന് പുലർച്ചെ കേതൻ സിയയെ കൂട്ടിക്കൊണ്ടാണ് കോട്ടയിലേക്ക് പോയത്. കേതൻ അബദ്ധത്തിൽ വീണു എന്നാണ് സിയാ ആദ്യം അവകാശപ്പെട്ടത്. എന്നാൽ സംഭവം നടന്ന സ്ഥലത്തെ സാഹചര്യം കണക്കിലെടുത്ത് ഇതൊരു അപകടമല്ലെന്നും കൊലപാതകമാണെന്നും പിതാവ് വിശാൽ അഗർവാൾ പോലീസിൽ പരാതി നൽകുകയായിരുന്നു. പ്രതികൾ തമ്മിലുള്ള പ്രണയബന്ധമാണ് കൊലപാതകത്തിലേക്ക് നയിച്ചതെന്ന് പോലീസ് സ്ഥിരീകരിച്ചു.
Summary: The detailed investigation into the murder of Pune businessman Ketan Agarwal has revealed a chilling 10-hour ‘ghost strategy’ executed by his fiancée Siya Goyal and her lover, Chetan Chaudhary. To kill Ketan and avoid an arranged marriage, Chetan disabled his mobile data, left his phone with employees to create a false alibi, and wore a winter hoodie in summer to evade CCTV. The meticulously planned murder occurred at Lohagad Fort, where Siya allegedly gave a pre-decided signal for Chetan to push Ketan off a 400-foot cliff. Their plan eventually crumbled when investigators traced the digital blackout and identified the suspicious attire from security footage.
