മുംബൈ: ലോക ഭൗമദിനത്തിൽ പ്രകൃതിയിലേക്ക് മടങ്ങാൻ ഏവർക്കും ആഹ്വാനം നൽകി ബോളിവുഡ് താരം ശില്പ ഷെട്ടി. തിരക്കേറിയ ജീവിതശൈലിക്കിടയിൽ മണ്ണുമായും പരിസ്ഥിതിയുമായും മാനസികമായി ഒന്നാകേണ്ടതിന്റെ പ്രാധാന്യത്തെക്കുറിച്ചാണ് താരം തന്റെ ഇൻസ്റ്റാഗ്രാം കുറിപ്പിലൂടെ ഓർമ്മിപ്പിക്കുന്നത്.
തന്റെ വീടിന്റെ മുറ്റത്തെ പുൽത്തകിടിയിലൂടെ നഗ്നപാദയായി നടക്കുന്ന വീഡിയോയ്ക്കൊപ്പമാണ് ശില്പ സന്ദേശം പങ്കുവെച്ചത്.
“ഭൗമദിനത്തിലും മറ്റെല്ലാ ദിവസങ്ങളിലും നഗ്നപാദരായി മണ്ണിൽ നടന്ന് സ്വയം ഭൂമിയുമായി ബന്ധപ്പെടാൻ ശ്രമിക്കുക. ഭൂമിയുടെ ഊർജ്ജം നിങ്ങളെ സുഖപ്പെടുത്തുകയും പുനരുജ്ജീവിപ്പിക്കുകയും ചെയ്യട്ടെ,” താരം കുറിച്ചു.
ചർമ്മത്തിൽ സൂര്യപ്രകാശവും പാദങ്ങൾക്കടിയിൽ മണ്ണും അനുഭവിക്കുക. പക്ഷികളുടെ ശബ്ദവും കാറ്റും ആസ്വദിക്കുക. പ്രകൃതിയുമായി അടുത്ത് ഇടപെഴുകുന്നത് മനസ്സിനും ശരീരത്തിനും പുതിയ ഊർജ്ജം നൽകുമെന്നും താരം ഓർമ്മിപ്പിക്കുന്നു. “ഭൂമിയെ സ്പർശിക്കുമ്പോൾ നിങ്ങൾ ആരാണെന്ന് നിങ്ങൾ വീണ്ടും ഓർക്കുന്നു” എന്ന വരികളോടെയാണ് താരം കുറിപ്പ് അവസാനിപ്പിച്ചത്.
ആരോഗ്യകരമായ ഭക്ഷണശീലങ്ങൾക്കും യോഗയ്ക്കും മുൻഗണന നൽകുന്ന ശില്പ ഷെട്ടി, തന്റെ ആരാധകർക്കായി ഇത്തരം വെൽനസ് ടിപ്പുകൾ പതിവായി പങ്കുവയ്ക്കാറുണ്ട്. ഭൂമിയുടെ സംരക്ഷണത്തിനായി പ്രകൃതിയെ സ്നേഹിക്കാൻ ഓരോരുത്തരെയും പ്രേരിപ്പിക്കുന്നതാണ് താരത്തിന്റെ പുതിയ വീഡിയോ.
View this post on Instagram
Story Summary: On Earth Day, actress Shilpa Shetty shared a video of herself walking barefoot on grass, urging followers to reconnect with nature. She emphasized the healing power of Earth’s energy and the importance of feeling the soil and sunlight to rejuvenate the mind and body. Known for promoting wellness and yoga, Shilpa’s post highlighted how touching the earth helps one rediscover their true self.
