കൊച്ചി: സോഷ്യൽ മീഡിയയിലെ തമാശ കലർന്ന വീഡിയോകളിലൂടെയും അഭിമുഖങ്ങളിലൂടെയും സുപരിചിതനായ അലിൻ ജോസ് പെരേരയും നടൻ ജയസൂര്യയും ഒന്നിച്ചുള്ള വീഡിയോ സോഷ്യൽ മീഡിയയിൽ വൈറലാകുന്നു (Jayasurya- Alin Jose Perera). ജയസൂര്യയുടെ പുതിയ ചിത്രത്തിന്റെ പൂജ ചടങ്ങിൽ അതിഥിയായി എത്തിയതായിരുന്നു അലിൻ.
പൂജ ചടങ്ങിനിടെ ജയസൂര്യയോടൊപ്പം സെൽഫി എടുക്കാൻ അനുവാദം ചോദിച്ച അലിന് താരം സന്തോഷത്തോടെ അനുവാദം നൽകുന്നതാണ് വീഡിയോയിലുള്ളത്. ഫോട്ടോ എടുത്തു കഴിഞ്ഞതിനു പിന്നാലെ അലിൻ ജയസൂര്യയെ ആലിംഗനം ചെയ്തു. താരത്തെ ചേർത്തുപിടിച്ചുകൊണ്ട് വളരെ സ്നേഹത്തോടെയാണ് ജയസൂര്യയും ഇതിനോട് പ്രതികരിച്ചത്. ആൾക്കൂട്ടത്തിനിടയിലും ഒരു ആരാധകനോട് ജയസൂര്യ കാണിച്ച ഈ കരുതലും എളിമയുമാണ് സോഷ്യൽ മീഡിയയിൽ കയ്യടി നേടുന്നത്.
വീഡിയോ ഇതിനോടകം തന്നെ നിരവധി പേർ പങ്കുവെച്ചു കഴിഞ്ഞു. “ജയസൂര്യയുടെ സ്നേഹവും കരുതലും അഭിനന്ദനാർഹമാണ്”, “മനുഷ്യത്വമുള്ള താരം” എന്നിങ്ങനെ പോകുന്നു ആരാധകരുടെ കമന്റുകൾ. തന്റെ വീഡിയോകളിലൂടെ നിരന്തരം വാർത്തകളിൽ നിറഞ്ഞുനിൽക്കുന്ന അലിൻ ജോസ് പെരേരയ്ക്ക് സിനിമയുടെ പൂജ ചടങ്ങിനിടെ ലഭിച്ച ഈ സ്വീകാര്യത സോഷ്യൽ മീഡിയ ഗ്രൂപ്പുകളിലും ചർച്ചയായിട്ടുണ്ട്.
View this post on Instagram
Story Summary: A video of actor Jayasurya warmly hugging social media personality Alin Jose Perera during a movie puja ceremony has gone viral. When Alin approached the actor for a selfie, Jayasurya obliged with a smile and shared a friendly moment, earning praise from fans for his humble gesture.
