തിരുവനന്തപുരം: എഐസിസി ജനറൽ സെക്രട്ടറി കെ.സി. വേണുഗോപാലിന്റെ വിക്കിപീഡിയ പ്രൊഫൈലിൽ വന്ന തിരുത്തലുകൾ കേരള രാഷ്ട്രീയത്തിൽ പുതിയ ചർച്ചകൾക്ക് വഴിതുറന്നു (KC Venugopal Wikipedia). അദ്ദേഹത്തെ ‘കേരളത്തിന്റെ 13-ാമത് മുഖ്യമന്ത്രി’ എന്ന് വിശേഷിപ്പിച്ചു കൊണ്ടുള്ള വിവരങ്ങളാണ് വെള്ളിയാഴ്ച ഉച്ചയോടെ വിക്കിപീഡിയയിൽ പ്രത്യക്ഷപ്പെട്ടത്. സംസ്ഥാനത്ത് നിയമസഭാ തിരഞ്ഞെടുപ്പ് നടക്കാനിരിക്കെ ഉണ്ടായ ഈ മാറ്റം കോൺഗ്രസ് ഗ്രൂപ്പുകളിലും സൈബർ ഇടങ്ങളിലും വലിയ ചർച്ചയായിരിക്കുകയാണ്.
വെള്ളിയാഴ്ച ഉച്ചയോടെയാണ് കെ.സി. വേണുഗോപാലിന്റെ ഇംഗ്ലീഷ് വിക്കിപീഡിയ പേജിൽ മാറ്റം വരുത്തപ്പെട്ടത്. വരാനിരിക്കുന്ന തിരഞ്ഞെടുപ്പിൽ യുഡിഎഫ് അധികാരത്തിൽ വരുമെന്ന പ്രതീക്ഷകൾക്കിടയിൽ, മുഖ്യമന്ത്രി സ്ഥാനത്തേക്ക് കെ.സി. വേണുഗോപാലിന്റെ പേര് സജീവമാണെന്ന സൂചനയാണോ ഇതെന്ന് രാഷ്ട്രീയ നിരീക്ഷകർ വിലയിരുത്തുന്നു. പേജിന്റെ സ്ക്രീൻഷോട്ടുകൾ ഉടൻ തന്നെ സോഷ്യൽ മീഡിയയിൽ പ്രചരിക്കുകയും ചെയ്തു.
സംഭവം വിവാദമായതോടെ രാഷ്ട്രീയ എതിരാളികൾ പരിഹാസവുമായി രംഗത്തെത്തി. തിരഞ്ഞെടുപ്പിന് മുൻപേ മുഖ്യമന്ത്രിയെ തീരുമാനിച്ചു കഴിഞ്ഞോ എന്നും ഇത് ഗ്രൂപ്പ് പോരിന്റെ ഭാഗമാണോ എന്നും സോഷ്യൽ മീഡിയയിൽ ചോദ്യങ്ങൾ ഉയർന്നു. വിൽസൺ സ്ക്രീൻഷോട്ടുകൾ വൈറലായതോടെ വിക്കിപീഡിയ അധികൃതർ ഇടപെട്ട് തെറ്റായ വിവരങ്ങൾ നീക്കം ചെയ്യുകയും പേജ് പഴയപടിയാക്കുകയും ചെയ്തു.
Story Summary: A controversy erupted in Kerala politics after KC Venugopal’s Wikipedia page was edited to describe him as the ’13th Chief Minister of Kerala’. The edit, which appeared during the high-voltage 2026 Assembly election campaign, sparked intense debate on social media before being corrected.
