കൊച്ചി: ജീവിതത്തിലെ ഏറ്റവും കഠിനമായ സമയങ്ങളിൽ തനിക്ക് താങ്ങായത് റിമി ടോമിയുടെ വിഡിയോകളും പാട്ടുകളുമാണെന്ന് തുറന്നുപറയുകയാണ് അരുൺ അപ്പു (Rimi Tomy). ചികിത്സയുടെ വേദനകൾക്കിടയിലും തന്നെ ചിരിപ്പിക്കുകയും മുന്നോട്ട് പോകാൻ പ്രേരിപ്പിക്കുകയും ചെയ്തത് റിമിയുടെ മനോഭാവമാണെന്ന് അരുൺ തന്റെ കുറിപ്പിൽ പറയുന്നു.
“ജീവിതത്തിലെ ഏറ്റവും ബുദ്ധിമുട്ടായ സമയങ്ങളിലും ചിരിക്കാൻ പഠിപ്പിച്ച ഒരാളാണ് റിമി ചേച്ചി. ചേച്ചിയുടെ എനർജിയും എപ്പോഴും പോസിറ്റീവ് ആയി നിൽക്കുന്ന മനോഭാവവും എനിക്ക് വലിയ ആശ്വാസമായി.” ചികിത്സയുടെ ക്ലേശങ്ങൾക്കിടയിൽ റിമിയുടെ സംസാരശൈലിയും പാട്ടുകളും കാണുമ്പോൾ തന്റെ വേദനകൾ കുറച്ചു നേരത്തേക്കെങ്കിലും മറക്കാൻ സാധിച്ചിരുന്നുവെന്ന് അരുൺ കുറിച്ചു.
ജീവിതം എത്ര കഠിനമായാലും ഒരു പുഞ്ചിരിയിലൂടെ തിരികെ വരാം എന്ന് റിമിയിലൂടെ മനസ്സിലാക്കിയെന്നും തളർന്ന നിമിഷങ്ങളിൽ വീണ്ടും ചിരിക്കാൻ താരം ധൈര്യം നൽകിയെന്നും അദ്ദേഹം കൂട്ടിച്ചേർത്തു.റിമിയുടെ സ്ഥിരം തമാശകളും സ്റ്റേജ് ഷോകളിലെ തഗ് ഡയലോഗുകളും തനിക്ക് വലിയ എന്റർടെയിൻമെന്റ് ആയിരുന്നുവെന്നും അരുൺ ഓർത്തെടുക്കുന്നു.
ഒരിക്കലെങ്കിലും റിമി ടോമിയെ നേരിൽ കണ്ട് തന്റെ സ്നേഹവും നന്ദിയും അറിയിക്കണമെന്ന ആഗ്രഹത്തോടെയാണ് അരുൺ കുറിപ്പ് അവസാനിപ്പിക്കുന്നത്. സോഷ്യൽ മീഡിയയിൽ വൈറലായ ഈ കുറിപ്പ് ഇതിനോടകം നിരവധി പേർ പങ്കുവെച്ചുകഴിഞ്ഞു. താൻ ചെയ്യുന്ന കാര്യങ്ങൾ മറ്റൊരാളുടെ ജീവിതത്തിൽ ഇത്ര വലിയ മാറ്റമുണ്ടാക്കുന്നു എന്നറിയുന്നത് റിമി ടോമിക്കും വലിയ സന്തോഷം നൽകുന്ന ഒന്നായിരിക്കും.
View this post on Instagram
Story Summary: Arun Appu, a cancer survivor, shared a heartfelt note thanking singer Rimi Tomy for being his source of strength and laughter during his difficult treatment period. Arun mentioned that Rimi’s positive energy, songs, and humorous personality helped him forget his pain and find the courage to smile again.
