മുംബൈ: ലോകം അംഗീകരിക്കുന്ന നടിയും നിർമ്മാതാവുമായി വളർന്ന തന്റെ ജീവിതത്തിലെ നാഴികക്കല്ലുകൾ പങ്കുവെച്ച് പ്രിയങ്ക ചോപ്ര (Priyanka Chopra ). “ഈ ട്രെൻഡ് എനിക്ക് ഇഷ്ടപ്പെട്ടു” എന്ന അടിക്കുറിപ്പോടെ താരം പങ്കുവെച്ച ഗൃഹാതുരത്വമുണർത്തുന്ന കുറിപ്പും ചിത്രങ്ങളും ഇപ്പോൾ സോഷ്യൽ മീഡിയയിൽ തരംഗമാണ്.
തന്റെ കുട്ടിക്കാല ചിത്രവും മിസ് വേൾഡ് വേദിയിലെ ചിത്രവും പങ്കുവെച്ചുകൊണ്ടാണ് പ്രിയങ്ക കുറിപ്പ് ആരംഭിച്ചത്. “18-ാം വയസ്സിൽ കിരീടം ചൂടിയപ്പോൾ എന്റെ ജീവിതം മാറി. മിസ് വേൾഡ്?? ഞാനോ???” എന്ന് അത്ഭുതത്തോടെയാണ് പ്രിയങ്ക ആ നിമിഷത്തെ ഓർക്കുന്നത്.
വളർച്ച: ഒരു സാധാരണ പെൺകുട്ടിയിൽ നിന്ന് അന്താരാഷ്ട്ര തലത്തിൽ അറിയപ്പെടുന്ന നടിയും സംരംഭകയുമായി മാറിയ തന്റെ മാറ്റത്തെ താരം നന്ദിയോടെ സ്മരിച്ചു.
കരിയറിലെ നേട്ടങ്ങൾക്കൊപ്പം തന്നെ തന്റെ ജീവിതത്തിലെ ഏറ്റവും വലിയ സന്തോഷം മകൾ മാൾട്ടി മേരിയാണെന്ന് താരം പറയുന്നു.
“ഏറ്റവും വലിയ ഹൃദയവും അവസാനിക്കാത്ത കൗതുകവുമുള്ള ആവേശഭരിതയായ ഒരു കുഞ്ഞു മനുഷ്യന്റെ അമ്മയാണ് ഞാൻ. എനിക്ക് മനോഹരമായ ഒരു കുടുംബമുണ്ട്,” പ്രിയങ്ക കുറിച്ചു. ഭർത്താവ് നിക് ജോനാസിനും മകൾക്കുമൊപ്പമുള്ള ചിത്രങ്ങളും താരം പങ്കുവെച്ചിട്ടുണ്ട്.
അഭിനയത്തിന് പുറമെ എഴുത്തുകാരിയായും നിർമ്മാതാവായും തിളങ്ങുന്ന പ്രിയങ്കയുടെ വരാനിരിക്കുന്ന ചിത്രങ്ങൾ വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. എസ്.എസ്. രാജമൗലി സംവിധാനം ചെയ്യുന്ന ബ്രഹ്മാണ്ഡ ചിത്രം ‘ വാരണാസി’ യിലൂടെ പ്രിയങ്ക തെലുങ്ക് സിനിമയിൽ അരങ്ങേറ്റം കുറിക്കുകയാണ്. ചിത്രത്തിൽ ‘മന്ദാകിനി’ എന്ന കഥാപാത്രത്തെയാണ് താരം അവതരിപ്പിക്കുന്നത്. മഹേഷ് ബാബു, പൃഥ്വിരാജ് സുകുമാരൻ എന്നിവരും ഈ ചിത്രത്തിലുണ്ട്.
ഹോളിവുഡ് ചിത്രം ‘ദ ബ്ലഫ്’, ആമസോൺ പ്രൈം സീരീസ് ‘സിറ്റാഡൽ’ സീസൺ 2 എന്നിവയാണ് താരത്തിന്റേതായി വരാനിരിക്കുന്ന മറ്റ് പ്രധാന വർക്കുകൾ.
തന്റെ ജീവിതാനുഭവങ്ങൾ കോർത്തിണക്കിയ ‘അൺഫിനിഷ്ഡ്’ എന്ന പുസ്തകത്തെക്കുറിച്ചും താരം പോസ്റ്റിൽ പരാമർശിച്ചിട്ടുണ്ട്.
View this post on Instagram
Story Summary: Priyanka Chopra shared a nostalgic Instagram post detailing her journey from an 18-year-old Miss World to a Hollywood star and mother. She also hinted at her upcoming big-budget projects like SS Rajamouli’s ‘Varanasi’ alongside Mahesh Babu and Prithviraj.
