Follow on Google News
ജഹാനാബാദ്: ബീഹാറിലെ ജഹാനാബാദിൽ റെസിഡൻഷ്യൽ സ്കൂൾ ഹോസ്റ്റലിൽ അഞ്ചുവയസ്സുകാരനെ ക്രൂരമായി കൊലപ്പെടുത്തിയ കേസ് പോലീസിൽ പ്രതി പിടിയിൽ (Bihar School Boy Murder). സ്കൂൾ കാന്റീനിലെ ഗാർഡായ മുകേഷ് എന്ന സുദാമ (46) ആണ് കുറ്റസമ്മതം നടത്തിയത്. കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ ശേഷം കൊലപ്പെടുത്തുകയായിരുന്നുവെന്ന് പോലീസ് അറിയിച്ചു.
കഴിഞ്ഞ ഞായറാഴ്ച രാത്രിയാണ് പ്രതി കുട്ടിയെ തന്റെ മുറിയിലേക്ക് കൊണ്ടുപോയത്. പീഡനത്തിന് ശേഷം കുട്ടി നിലവിളിക്കുമെന്നും താൻ പിടിക്കപ്പെടുമെന്നും ഭയന്ന പ്രതി ബ്ലേഡ് ഉപയോഗിച്ച് കുട്ടിയുടെ കഴുത്തറുത്തു. തുടർന്ന് മൃതദേഹം ഹോസ്റ്റലിലെ പടിക്കെട്ടിൽ ഉപേക്ഷിക്കുകയായിരുന്നു. കുട്ടിയുടെ ജനനേന്ദ്രിയം ഛേദിക്കപ്പെട്ട നിലയിലായിരുന്നുവെന്നും വയറിന്റെ ഭാഗത്ത് ആഴത്തിലുള്ള മുറിവുകളുണ്ടായിരുന്നുവെന്നും എഫ്.ഐ.ആറിൽ പറയുന്നു.
ഭാര്യ ഉപേക്ഷിച്ചുപോയ മുകേഷിനെ ഹോസ്റ്റലിലെ കുട്ടികൾ കളിയാക്കാറുണ്ടായിരുന്നുവെന്നും ഇതിലുള്ള നിരാശയാണ് ക്രൂരകൃത്യത്തിന് പ്രേരിപ്പിച്ചതെന്നും പോലീസ് സൂചിപ്പിച്ചു. കൂടാതെ ഹോസ്റ്റൽ ഉടമ തരുൺ കുമാറുമായുള്ള തർക്കത്തെത്തുടർന്ന് സ്ഥാപനത്തെ അപകീർത്തിപ്പെടുത്തണമെന്ന ലക്ഷ്യവും ഇയാൾക്കുണ്ടായിരുന്നു. സംഭവസമയത്ത് താൻ മദ്യലഹരിയിലായിരുന്നുവെന്ന് പ്രതി മൊഴി നൽകി. മുകേഷിനെ കൂടാതെ ഹോസ്റ്റൽ നടത്തിപ്പുകാരൻ തരുൺ കുമാറിനെയും പോലീസ് അറസ്റ്റ് ചെയ്തിട്ടുണ്ട്. കൊലപാതകം, ബലാത്സംഗം, പോക്സോ നിയമത്തിലെ വിവിധ വകുപ്പുകൾ എന്നിവ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. കൃത്യത്തിന് ഉപയോഗിച്ച ബ്ലേഡ് പോലീസ് കണ്ടെടുത്തു.
Summary: Bihar police have arrested a 46-year-old school guard, Mukesh alias Sudama, for the horrific murder of a five-year-old boy in a Jehanabad hostel. The accused confessed to sexually abusing the child before slitting his throat and severing his genitals. According to the police, the guard was frustrated by taunts from students and had a dispute with the hostel operator. The operator, Tarun Kumar, has also been taken into custody. The case is filed under charges of murder, rape, and POCSO.
