കൊച്ചി: വോട്ടെടുപ്പിന് തൊട്ടുപിന്നാലെ ട്വന്റി20യിൽ വലിയ രാഷ്ട്രീയ പ്രതിസന്ധി. പൂതൃക്ക പഞ്ചായത്ത് പ്രസിഡന്റ് പൂജ ജോമോൻ രാജിവെച്ചു. ട്വന്റി ട്വന്റി ബിജെപിയുമായി ചേർന്ന് പ്രവർത്തിക്കുന്നതിൽ പ്രതിഷേധിച്ചാണ് രാജിയെന്ന് പൂജ ജോമോൻ വാർത്താ സമ്മേളനത്തിൽ അറിയിച്ചു.(Only days left for the Assembly elections, clash in Twenty20 party)
ട്വന്റി ട്വന്റിയുടെ ഇപ്പോഴത്തെ രാഷ്ട്രീയ നിലപാടുകൾ മതേതര കാഴ്ചപ്പാടിന് വിരുദ്ധമാണ്. ബിജെപിയുമായി ഒത്തുപോകുന്നത് അംഗീകരിക്കാൻ കഴിയില്ലെന്ന് അവർ വ്യക്തമാക്കി. സാബു ജേക്കബ് തന്നെ ഭീഷണിപ്പെടുത്തിയെന്ന് ഇവർ ആരോപിച്ചു. രാജിവെക്കുമെന്ന കാര്യം നേരത്തെ സാബു ജേക്കബിനെ അറിയിച്ചിരുന്നു.
തിരഞ്ഞെടുപ്പ് നടക്കുന്ന സാഹചര്യത്തിൽ ഭരണസമിതിയിലെ ഏറ്റവും പ്രധാനപ്പെട്ട വ്യക്തി തന്നെ ഇത്തരത്തിൽ ആരോപണങ്ങൾ ഉന്നയിച്ച് പുറത്തുപോയത് ട്വന്റി ട്വന്റിക്ക് കനത്ത തിരിച്ചടിയായിരിക്കുകയാണ്.
