കൊല്ലം: കുന്നത്തൂർ നിയമസഭാ മണ്ഡലത്തിലെ സ്ഥാനാർത്ഥി കോവൂർ കുഞ്ഞുമോന്റെ നാമനിർദ്ദേശ പത്രികയ്ക്കെതിരെ പരാതി. രണ്ട് വ്യത്യസ്ത പത്രികകൾ സമർപ്പിച്ചത് ചട്ടലംഘനമാണെന്ന് ചൂണ്ടിക്കാട്ടി യുഡിഎഫ് രംഗത്തെത്തിയതോടെ പത്രികയുടെ സൂക്ഷ്മപരിശോധന വരണാധികാരി മാറ്റിവെച്ചു.(Complaint against Kovoor Kunjumon, nomination postponed)
സ്വതന്ത്ര സ്ഥാനാർത്ഥിയായും ആർഎസ്പി (ലെനിനിസ്റ്റ്) സ്ഥാനാർത്ഥിയായും കുഞ്ഞുമോൻ പത്രിക നൽകിയതാണ് വിവാദത്തിന് കാരണമായത്. ഒരേസമയം രണ്ട് വിഭാഗങ്ങളിലായി പത്രിക നൽകിയത് ഭരണഘടനാ ലംഘനമാണെന്നും അതിനാൽ രണ്ട് പത്രികകളും തള്ളണമെന്നുമാണ് പരാതിക്കാരുടെ ആവശ്യം. പരാതിയിൽ കൂടുതൽ വ്യക്തത തേടുന്നതിനും നിയമവശങ്ങൾ പരിശോധിക്കുന്നതിനുമായി പത്രിക മാറ്റിവെച്ചിരിക്കുകയാണ്.
