പുതുച്ചേരി: വരാനിരിക്കുന്ന നിയമസഭാ തെരഞ്ഞെടുപ്പിൽ പുതുച്ചേരിയിലെ മുഴുവൻ സീറ്റുകളിലും തമിഴക വെട്രി കഴകം (TVK) ഒറ്റയ്ക്ക് മത്സരിക്കും (Vijay TVK Puducherry Election). പാർട്ടിയുടെ ആദ്യ തെരഞ്ഞെടുപ്പ് അങ്കത്തിനായുള്ള 30 സ്ഥാനാർത്ഥികളുടെ പട്ടിക അധ്യക്ഷൻ വിജയ് പുറത്തുവിട്ടു. ബി.ജെ.പി നേതൃത്വം നൽകുന്ന എൻ.ഡി.എ സഖ്യത്തിൽ ചേരുമെന്ന പ്രചരണങ്ങൾക്ക് ഇതോടെ അന്ത്യമായി. പ്രഖ്യാപിച്ച 30 സ്ഥാനാർത്ഥികളിൽ രണ്ട് പേർ വനിതകളാണ്. ബി.ജെ.പി വിട്ട് ടി.വി.കെയിലെത്തിയ മുൻ പുതുച്ചേരി ബി.ജെ.പി അധ്യക്ഷൻ വി. സ്വാമിനാഥനും സ്ഥാനാർത്ഥി പട്ടികയിലുണ്ട്. ഏപ്രിൽ 9-നാണ് പുതുച്ചേരിയിൽ വോട്ടെടുപ്പ് നടക്കുന്നത്.
പുതുച്ചേരിക്ക് പിന്നാലെ തമിഴ്നാട് നിയമസഭാ തെരഞ്ഞെടുപ്പിലും ടി.വി.കെ തനിച്ച് മത്സരിക്കുമെന്ന് വിജയ് വ്യക്തമാക്കി. എൻ.ഡി.എ സഖ്യത്തിൽ ചേർന്നാൽ 80 സീറ്റുകളും ഉപമുഖ്യമന്ത്രി പദവും വാഗ്ദാനം ചെയ്തെന്ന വാർത്തകൾ അദ്ദേഹം തള്ളിക്കളഞ്ഞു. തമിഴ്നാട്ടിൽ എൻ.ഡി.എ സഖ്യത്തിൽ സീറ്റ് വിഭജനം പൂർത്തിയായി. എ.ഐ.എ.ഡി.എം.കെ 178 സീറ്റിലും ബി.ജെ.പി 27 സീറ്റിലും മത്സരിക്കും. പി.എം.കെ (18), എ.എം.എം.കെ (11) എന്നിവരാണ് മറ്റ് സഖ്യകക്ഷികൾ. ഏപ്രിൽ 23-നാണ് തമിഴ്നാട്ടിൽ വോട്ടെടുപ്പ്.
രാഷ്ട്രീയത്തിൽ ചുവടുറപ്പിക്കാൻ ഒരുങ്ങുന്ന വിജയിയുടെ പാർട്ടി ദ്രാവിഡ രാഷ്ട്രീയത്തിൽ വരുത്തുന്ന മാറ്റങ്ങൾ ഉറ്റുനോക്കുകയാണ് രാഷ്ട്രീയ നിരീക്ഷകർ.
News Summary
Actor Vijay’s Tamilaga Vettri Kazhagam (TVK) has announced its candidates for all 30 seats in the upcoming Puducherry Assembly elections, scheduled for April 9, 2026. Dismissing rumors of an alliance with the BJP, TVK confirmed it will also contest alone in the Tamil Nadu Assembly elections on April 23. Notable candidates include former Puducherry BJP President V. Swaminathan. Meanwhile, the NDA alliance in Tamil Nadu finalized its seat-sharing, with AIADMK contesting 178 seats and BJP 27 seats.
