അമൃത്സർ: ഗഗൻദീപ് സിങ് രൺധാവയുടെ ആത്മഹത്യയിൽ മുൻ ഗതാഗത മന്ത്രി ലാൽജിത് സിങ് ഭുള്ളർക്കെതിരെ പഞ്ചാബ് പോലീസ് കേസെടുത്തു. മരണത്തിന് തൊട്ടുമുമ്പ് മന്ത്രിയെ ഭയമാണെന്ന് വെളിപ്പെടുത്തുന്ന ഗഗൻദീപിന്റെ വീഡിയോ പുറത്തുവന്നതിന് പിന്നാലെയാണ് നടപടി. രാഷ്ട്രീയ വിവാദം കൊഴുത്തതോടെ മുഖ്യമന്ത്രി ഭഗവന്ത് മാൻ മന്ത്രിയുടെ രാജി ആവശ്യപ്പെടുകയായിരുന്നു.(Officer’s suicide, FIR against Punjab minister Laljit Singh Bhullar)
ഗഗൻദീപ് സിങ് രൺധാവയുടെ മരണത്തിന് പിന്നിൽ മന്ത്രിയുടെയും സംഘത്തിന്റെയും കടുത്ത സമ്മർദ്ദമാണെന്ന് കുടുംബം ആരോപിക്കുന്നു. 10 ലക്ഷം രൂപ കൈക്കൂലി വാങ്ങി വെയർഹൗസ് ടെൻഡർ മന്ത്രിയുടെ പിതാവിന് നൽകണമെന്ന് ഗഗൻദീപിന് മേൽ സമ്മർദ്ദമുണ്ടായിരുന്നുവെന്നാണ് ഇവർ പറയുന്നത്.
ടെൻഡർ നൽകാൻ വിസമ്മതിച്ചതോടെ ഗഗൻദീപിനെ ശാരീരികമായും മാനസികമായും ഉപദ്രവിച്ചതായി ഭാര്യ നൽകിയ പരാതിയിൽ പറയുന്നു. ഞാൻ വിഷം കഴിച്ചു, എനിക്കിനി രക്ഷപ്പെടേണ്ട. എനിക്ക് ലാൽജിത്തിനെ പേടിയാണ്, എന്ന് ഗഗൻദീപ് പറയുന്ന വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.
